پاۆلودار وبلىسىندا جول اپاتىنان 3 ادام مەرت بولدى
استانا. KAZINFORM - پاۆلودار- سەمەي تاسجولىندا كولىك اپاتىنان 3 ادام مەرت بولىپ، ءبىر ادام قالالىق اۋرۋحاناعا جەتكىزىلدى، دەپ حابارلايدى Kazinform ءتىلشىسى.
وڭىرلىك پوليتسيا دەپارتامەنتىنىڭ حابارلاۋىنشا، وقيعا 8-قاڭتار كۇنى اققۋلى اۋدانى تىلەكتەس اۋىلى ماڭىندا بولعان.
الدىن الا مالىمەت بويىنشا، Kia Sportage كولىگىنىڭ جۇرگىزۋشىسى قار كۇرەيتىن كولىكتى وزىپ وتە بەرگەندە قارسى جولاققا شىعىپ كەتكەن جانە كاماز جۇك كولىگىمەن بەتپە- بەت سوقتىعىسقان.
- اپات سالدارىنان Kia كولىگىنىڭ جۇرگىزۋشىسى مەن ەكى جولاۋشى سول جەردە جان تاپسىردى. ال ءبىر جولاۋشى ءتۇرلى جاراقاتتارمەن قالالىق اۋرۋحاناعا جاتقىزىلدى. سوقتىعىسقان كولىكتەر ارنايى تۇراققا قويىلدى، - دەپ حابارلايدى پاۆلودار وبلىسى پ د باسپا ءسوز قىزمەتى.
وبلىستىق جەدەل جاردەم ستانساسىنىڭ دەرەگىنە ساي، شاقىرتۋ 20:35-تە تۇسكەن. قالالىق اۋرۋحاناعا 53 جاستاعى ەر ادام جەتكىزىلدى. جاراقات العان تاعى ءبىر جولاۋشى - 61 جاستاعى ەر كىسى اۋرۋحاناعا بارۋدان باس تارتقان.
اۆتور
ەربول جانات
