پارا العان جامبىل وبلىسى دەنساۋلىق ساقتاۋ باسقارماسىنىڭ بۇرىنعى باسشىسى 10,7 ميلليون تەڭگە ايىپپۇل تولەيدى

استانا. قازاقپارات - تاراز قالاسىنىڭ 2№ سوتى جامبىل وبلىستىق اكىمدىگى دەنساۋلىق ساقتاۋ باسقارماسىنىڭ باسشىسى بولىپ جۇمىس ىستەپ ءجۇرىپ، ءوز قولاستىنا باعىنىشتى مەديتسينالىق مەكەمەلەردىڭ باسشىلارىنان زاڭسىز الىم-سالىق جيناعان ە. ماساليموۆكە قاتىستى ۇكىم شىعاردى.

بۇل تۋرالى اتالعان سوتتىڭ باسپا ءسوز قىزمەتى حابارلادى.

ياعني، ە. ماساليموۆ بىرنەشە رەت ءوزىنىڭ قىزمەتتىك وكىلەتتىكتەرىن پايدالانىپ پارا بەرۋشىلەردىڭ ماسەلەسىن شەشىپ بەرگەن.

قالالىق پەرەناتالدىق ورتالىعىنىڭ باس دارىگەرى ك. ساعىنعاليەۆا مەكەمەگە تاسىمالدى رەنگەن اپاراتىنىڭ، حالىققا مەديتسينالىق كومەك كورسەتۋ ءۇشىن كەرەك ەكەندىگىن ايتىپ، بىرنەشە رەت ە. ماساليموۆكە جولىققان، الايدا ءوز كەزەگىندە ە. ماساليموۆ وسى ماسەلەنى وڭىنان شەشۋ ءۇشىن ماتەريالدىق سىياقى بەرۋ كەرەكتىگىن ىمداعان.

ءوز كەزەگىندە پاراسىز ماسەلە شەشىلمەيتىندىگىن تۇسىنگەن ك. ساعىنعاليەۆا ە. ماساليموۆكە 150000 تەڭگە پارا بەرگەن.

ءارى قاراي ە. ماساليموۆ ءوزىنىڭ زاڭسىز ارەكەتىن جالعاستىرىپ، باسقا دا مەديتسينا قىزمەتكەرلەرىنەن پارا الىپ وتىرعان.

تاراز قالاسى 2№ سوتىنى 2016-جىلعى ۇكىمىمەن ە. ماساليموۆ قازاقستان رەسپۋبليكاسى ق ك 361-بابىنىڭ 2-بولىگىنىڭ 1,4-تارماقتارىمەن (لاۋازىمدىق وكىلەتتىكتەردى تەرىس پايدالانۋ)، 366-بابىنىڭ 3-بولىگى (پارا الۋ) بويىنشا كىنالى دەپ تانىلدى.

ە. ماساليموۆكە ونىڭ مەنشىگىندەگى، قىلمىستىق جولمەن تابىلعان نە قىلمىستىق جولمەن تابىلعان قاراجاتقا ساتىپ الىنعان مۇلكى تاركىلەنىپ، مەملەكەتتىك قىزمەتتە جۇمىس اتقارۋ قۇقىعىنان ءومىر بويىنا ايىرا وتىرىپ، ءوزى العان پارانىڭ 70 (جەتپىس) ەسەلەنگەن سوماسى مولشەرىندە، ياعني 10767050 (ون ميلليون جەتى ءجۇز الپىس جەتى مىڭ ەلۋ) تەڭگە كولەمىندە ايىپپۇل تۇرىندەگى جازاسى تاعايىندالدى.