قازاقستاندا 10 جىلدان كوپ قولدانىلعان كولىكتەردىڭ ۇلەسى 60 پايىزعا جەتتى

نۇر-سۇلتان. قازاقپارات - قازاقستانداعى قولدانىستا بولعانىنا 10 جىلدان اسىپ كەتكەن كولىكتەردىڭ ۇلەسى 60 پايىزعا جەتتى، دەپ حابارلايدى قازاقپارات ءتىلشىسى Ranking.kz اقپارات كوزىنە سىلتەمە جاساپ.

اقپارات كوزىنىڭ مالىمەتىنشە، 2019-جىلدىڭ سوڭىنا قاراي ەلىمىزدە تىركەلگەن كولىكتەردىڭ سانى 3,8 ميلليونعا جەتكەن. بۇل - 2018-جىلدىڭ سوڭىنداعى كورسەتكىشتەن 6,9 پايىزعا ارتىق. كولىكتەردىڭ كوبى الماتى وبلىسىندا 492,6 مىڭ (0,5 پايىزعا از) تۇرسا، ودان كەيىنگى ساتىدا الماتى قالاسى مەن (469,7 مىڭ) مەن ش ق و (295 مىڭ) تۇر.

«ساراپشىلاردىڭ ايتۋىنشا، قازاقستانداعى قولدانىستا بولعانىنا 10 جىلدان اسىپ كەتكەن كولىكتەردىڭ ۇلەسى ارتىپ كەلەدى. 2019-جىلدىڭ سوڭىنا قاراي ولاردىڭ سانى 2,5 ميلليونعا جەتكەن. ودان كەيىنگى ورىندا پايدالانعانىنا 3 جىلدان 7 جىلعا دەيىنگى ارالىقتاعى كولىكتەر تۇر. قولدانىستا بولعانىنا 3 جىلعا دەيىنگى كولىكتەردىڭ سانى بىردەن 23,3 پايىز ازايىپ، 397 مىڭ بولىپ وتىر»، - دەپ حابارلايدى اقپارات كوزىنەن.

«قازاقستاندا 2019-جىلى جالپى 806,8 مىڭ جەڭىل اۆتوكولىك ەسەپكە تىركەلگەن (2018-جىلدىڭ ۇقساس كەزەڭىمەن سالىستىرعاندا 0,7 پايىزعا از). ولاردىڭ 516,3 مىڭى نەمەسە 64 پايىزىنىڭ - جۇرگەنىنە 10 جىلدان اسىپ كەتكەن. ەلىمىزدە سونداي-اق، 3 (12,8 پايىزعا) جانە 3-7 «جاس» (0,7 پايىزعا) ارالىعىنداعى كولىكتەردىڭ دە ءوسىمى بايقالادى.