13:20, 06 - قاڭتار 2016 | GMT +5
الماتى وبلىسىندا 10 وزبەكستان ازاماتى ىستان ۋلانىپ، 5 ادام قازا بولدى
الماتى. قازاقپارات - الماتى وبلىسى قاراساي اۋدانى تۇرار اۋىلىندا 10 وزبەكستان ازاماتى ىستان ۋلاندى. بۇل تۋرالى وبلىستىق ت ج د باسپا ءسوز حاتشىسى ازامات جۇرتبايەۆ حابارلادى.
ءورت سوندىرۋشىلەر وقيعا ورنىنا جەتكەنشە 3 ەرەسەك ادام مەن 2 بالا سول جەردە جان ءتاسىلىم ەتتى. قالعان 5 ادام قاسكەلەڭ اۋداندىق ورتالىق اۋرۋحاناسىنا جاتقىزىلدى.
باسپاءسوز حاتشىسىنىڭ ايتۋىنشا، جۇرگىزىلگەن پروفيلاكتيكالىق شارالارعا قاراماستان ىستان ۋلانۋ جاعدايى ءجيى كەزدەسۋدە.
2015 - جىلى 300000-عا جۋىق ۇيگە ەسكەرتۋ جادناماسى تاراتىلدى. ميلليونعا جۋىق ادامعا قاۋىپسىزدىك شارالارى مەن پەشتى پايدالانۋ ەرەجەسى ءتۇسىندىرىلدى.
