ساۋد ارابياسى ناۋرىزدا مۇناي ونىمدىلىگىن تاۋلىگىنە رەكوردتىق 10,3 ميلليون باررەلگە دەيىن جەتكىزدى

استانا. قازاقپارات - ساۋد ارابياسىندا ناۋرىزدا مۇناي ونىمدىلىگىنىڭ دەڭگەيى تاۋلىگىنە شامامەن 10,3 ميلليون باررەلگە دەيىن جەتتى. بۇل ەل تاريحىنداعى ەڭ جوعارعى كورسەتكىش. وسىعان دەيىنگى رەكورد 2013 - جىلدىڭ تامىزىندا ورناتىلعان. ول كەزدە ورتاشا العاندا تاۋلىگىنە 10,2 ميلليون باررەل ءوندىرىلدى،

 دەپ Bloomberg اگەنتتىگىنە سىلتەمە جاساپ ت ا س س حابارلادى.

 ونىڭ اقپاراتىنشا، بۇل مالىمەتتەردى سەيسەنبى كۇنى ەر- ريادتا ساۋد ارابياسىنىڭ مۇناي جانە مينەرالدى رەسۋرستار ءمينيسترى الي بەن يبراگيم ان- نۋايمي ايتتى. الايدا ول ناۋرىز ايىندا «قارا التىننىڭ» ءوندىرىسىن ءوسىرۋ نەگىزدەمەسىن (سەبەبىن) ايتپادى.

 Bloomberg بىرنەشە اپتا بۇرىن عانا مينيستر تاۋلىگىنە شامامەن 10 ميلليون باررەل دەڭگەيىن ۇستاپ تۇرۋعا ۋادە بەرگەنىن ەسكە سالدى.

10 - ناۋرىزدا ۇكىمەت باعدارلاماسىمەن تانىستىرعان كورول سالمان يبن ابدەل ازيز ال ساۋد «قارا التىننىڭ» باعاسىنىڭ قۇلدىراۋىنا قاراماستان مۇناي جانە گاز كەن وشاقتارىن قۇرۋ بويىنشا جۇمىستاردى جالعاستىراتىنىن ايتقان.