ءتىلسىز جاۋ 10 ادامنىڭ ءومىرىن جالماپ، 37 ميلليون تەڭگەدەن استام شىعىن كەلتىردى - قىزىلوردا

قىزىلوردا. قازاقپارت - 2016 -جىلى قىزىلوردا وبلىسىندا 511 ءورت وقيعاسى ورىن الدى.

بۇل 2015 -جىلمەن سالىستىرعاندا 7,6 پايىزعا كوپ، دەپ حابارلادى قازاقپارات ح ا ا ءتىلشىسى.

وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا ت ج د باسشىسىنىڭ مىندەتىن اتقارۋشى س. مولداقارايەۆتىڭ ءمالىم ەتكەنىندەي، ءتىلسىز جاۋدىڭ كەسىرىنەن 10 ادام قازا بولىپ (3 ەۋى بالالار)، تاعى 20 سى ءتۇرلى جاراقاتتار العان. كەلتىرىلگەن ماتەريالدىق شىعىن 37 ميلليون 249 مىڭ تەڭگەنى قۇرادى.

«وبلىس اۋماعىندا 703 تابيعي جانە تەحنوگەندىك سيپاتتاعى توتەنشە جاعداي مەن وقيعا تىركەلگەن. ءورت قاۋىپسىزدىگى تالاپتارىن بۇزعان 766 جەكە جانە زاڭدى تۇلعاعا قاتىستى اكىمشىلىك ءىس قوزعالىپ، 22 ميلليون تەڭگەدەن استام ايىپپۇل سالىندى»، - دەدى س. مولداقارايەۆ.