لي كىشياڭنىڭ قازاقستانعا جۇمىس ساپارى بارىسىندا قۇنى 10 ميلليارد دوللار بولاتىن 30 قۇجاتقا قول قويۋ كوزدەلگەن

بەيجىڭ. قازاقپارات - ق ح ر مەملەكەتتىك كەڭەسىنىڭ پرەمەرى لي كىشياڭنىڭ قازاقستانعا جۇمىس ساپارىمەن كەلۋى اياسىندا ىنتىماقتاستىق ماسەلەسى بويىنشا 30 قۇجاتقا قول قويۋ جوسپارلانعان.

شارتتاردىڭ جالپى سوماسى 10 ميلليارد دوللاردان اسۋى مۇمكىن، دەپ حابارلادى «شينحۋا» اگەنتتىگى.

«قىتايلىق- قازاقستاندىق قاتىناس جاقسى دامىپ كەلەدى، قوس ەل قاۋىپسىزدىك، ەكونوميكا، ساۋدا جانە بايلانىس سالالارىنداعى ىنتىماقتاستىقتا جاقسى ناتيجەلەرگە قول جەتكىزدى» ، - دەيدى ش ى ۇ زەرتتەۋ ورتالىعىنىڭ جەتەكشىسى شەن شيليان.

ق ح ر سىرتقى ىستەر ءمينيسترىنىڭ ورىنباسارى چەن گوپين جاقىن اراداعى لي كىشياڭ تۋرنيرىنە ارنالعان ارنايى بريفينگتە «جىبەك جولىنىڭ ەكونوميكالىق بەلدەۋىن قۇرۋدا قازاقستان قىتاي ءۇشىن ەڭ ماڭىزدى سەرىكتەس» ەكەنىن اتاپ ءوتتى.

ەسكە سالا كەتەيىك، اعىمداعى جىلدىڭ 14 - جەلتوقسانىندا ق ح ر مەملەكەتتىك كەڭەسىنىڭ پرەمەرى لي كىشياڭ ق ر- عا العاشقى رەسمي ساپارىمەن كەلەدى. جالپى بۇل ونىڭ قازاقستانعا ەكىنشى رەت كەلۋى.

 استانادا ونى مەملەكەت باسشىسى قابىلدايدى. قىتايلىق قوناق ەكى ەلدىڭ ۇكىمەت باسشىلارىنىڭ 2 - كەزدەسۋىنە جانە بيزنەس- قاۋىمداستىعى وكىلدەرىنىڭ قاتىسۋىمەن وتەتىن ىسكەرلىك كەڭەس وتىرىسىنا قاتىسادى.

ونىڭ استاناعا كەلگەن جۇمىس ساپارىنىڭ نەگىزگى ماقساتتارىنىڭ ءبىرى ش ى ۇ مۇشە مەملەكەتتەردىڭ ۇكىمەت باسشىلارىنىڭ 13- وتىرىسىنا (15-16 جەلتوقسان) قاتىسۋى.

 قازاقستاننان كەيىن ق ح ر مەمىلەكەت كەڭەسىنىڭ پرەمەرى لي كىشياڭ سەربياعا (قىتاي ليدەرلەرى مەن ورتالىق جانە شىعىس ەۋروپا ەلدەرى باسشىلارىنىڭ 3-كەزدەسۋى) جانە تايلاندقا ( ۇلكەن مەكونگ سۋبايماعىنداعى ەكونوميكالىق ىنتىماقتاستىق اياسىندا جەتەكشىلەردىڭ 5- ءسامميتى) اتتانادى.