ەۋروپانىڭ 10 پايىزى 2050-جىلى مۇسىلمان بولادى

استانا. قازاقپارات - 2050-جىلى ەۋروپانىڭ 10 پايىزى مۇسىلمان بولادى. 2070-جىلعا قاراي جەر بەتىندەگى مۇسىلماندار مەن حريستياندار سانى تەڭەسەدى. ال 2100-جىلى جەر بەتىندەگى ادامداردىڭ كوپشىلىگى مۇسىلمان بولادى.

بۇل تۋرالى امەريكانىڭ Pew زەرتتەۋ ورتالىعىنىڭ بايانداماسىندا ايتىلعان، دەپ جازادى khabar.kz.

جەر بەتىندە ازىرشە حريستياندار سانى باسىم. دەگەنمەن Pew بولجامىنا سۇيەنسەك، 2050-جىلى حريستياندار سانى %35 عا ارتىپ، 2,92 ميلليارد ادامعا جەتەدى. ال مۇسىلماندار قاۋىمى %73 ارتىپ، 2,76 ميلليارد ادامدى قۇرايتىن بولادى. ول كەزدە ەۋروپادا تۇراتىن حالىقتىڭ %10 مۇسىلمان بولادى.

«اتەيستىك كوزقاراستاعى ادامداردىڭ سانى الداعى 35 جىل ىشىندە ايتارلىقتاي ازايادى» دەلىنگەن اتالمىش باياندامادا.