اقتاۋلىق 10 جاسار ءبۇلدىرشىن «كىشكەنتاي الەم ارۋى-2015» اتاندى
تۇركيادا الەمنىڭ 19 ەلىنەن 42 قاتىسۋشى الەم ارۋىن ءتاجىن كيۋ ءۇشىن باق تالاستىردى. الايدا جەڭىس تەك 10 جاسار اقتاۋ قالاسىنىڭ تۋماسىنا بۇيىردى، دەپ حابارلايدى «حابار» تەلەارناسى.
جاس وتانداسىمىز ەسكى ديسكىلەردەن، تسەللوفان پاكەتتەر مەن شارلاردان ءوز قولىمەن جاساعان كويلەگىن ۇسىنىپ، بۇكىل ەلدى تاڭ قالدىردى. ول ءوز ەلى تۋرالى اڭگىمەلەپ بەرىپ، قازىلار القاسىنا قازى مەن شۇبات ءتارىزدى قازاقتىڭ ۇلتتىق تاعامدارىنان ءدام تاتىپ كورۋدى ۇسىندى.
ەندى كىشكەنتاي الەم ارۋى ءوزىنىڭ ەكىنشى ارمانىن جۇزەگە اسىرماق.
«مەنىڭ ءبىرىنشى ارمانىم - كىشكەنتاي الەم ارۋى بايقاۋىندا جەڭۋ ەدى، ول ارمانىم ورىندالدى. ەندى ەكىنشى ارمانىم تۋرالى ويلاپ ءجۇرمىن. كىشكەنتاي كەزىمنەن قازاقستان پرەزيدەنتى نۇرسۇلتان ءابىش ۇلى نازاربايەۆپەن كەزدەسۋدى ارمانداعان ەدىم. اتا-انام ماعان ۇنەمى ەگەر سەن جاقسى وقيتىن بولساڭ، ءوز ارمانىڭا قول جەتكىزەسىڭ دەيتىن. مەن ارمانىما جەتەمىن دەپ ويلايمىن»، - دەيدى اقمەيىر اليەۆا.
