09:08, 14 - اقپان 2016 | GMT +5
وزبەكستاندا سوڭعى 10 جىلدا بالالاردىڭ بويلارىنىڭ ءوسۋى 2,8 سانتيمەترگە ارتقان
استانا. قازاقپارات - سوڭعى 10 جىلدا وزبەكستاندا 14 جاسقا دەيىنگى ۇلدار مەن قىزداردىڭ بويىنىڭ ءوسۋى ورتاشا العاندا 2,8 سانتيمەترگە ارتقان، دەپ حابارلايدى وزبەك تەلەگراف اگەنتتىگى.
بۇل جونىندە وزبەكستانداعى بالالار سپورتىن دامىتۋ قورىنىڭ قورعانشى كەڭەسىنىڭ وتىرىسىندا ەل پرەزيدەنتى يسلام كاريموۆ مالىمدەگەن.
«وزبەكستاندا 14 جاستاعى ۇلداردىڭ بويىنىڭ ءوسۋى دۇنيەجۇزىلىك دەنساۋلىق ساقتاۋ ۇيىمىنىڭ ستاندارتىنا سايكەس كەلەدى. ناقتىلاي كەتسەك، 14 جاستاعى ۇلدارىمىز بەن قىزدارىمىزدىڭ بويىنىڭ ءوسۋى ورتاشا العاندا سوڭعى 10 جىلدا 2,8 سانتيمەترگە ۇزارعان»، - دەپ اتاپ ءوتتى ي. كاريموۆ.
