08:21, 23 - قاڭتار 2017 | GMT +6
قىتايدا 10 سەكۋندتىڭ ىشىندە 19 عيمارات جارىلدى - كەسكىن
استانا. قازاقپارات - قىتايدىڭ ورتالىق بولىگىندەگى حۋبي (Hubei) پروۆينسياسى ۋحان (Wuban) قالاسىندا 10 سەكۋندتىڭ ىشىندە 19 عيمارات ءسۇرىلدى، دەپ حابارلايدى لەنتا.رۋ.
ءبىر ۋاقىتتاعى ءسۇرۋ جۇمىسى 21 -قاڭتار كۇنى جەرگىلىكتى ۋاقىتپەن 11:50 دە جاسالدى، ول ءۇشىن 5 تونناعا جۋىق تروتيل قاجەت بولدى. جارىلعىش زاتتى ورنالاستىرۋ ءۇشىن 120 مىڭ ساڭىلاۋ جاسالدى.
ناتيجەسىندە، ءبىرقاتار كوپقاباتتى تۇرعىن ۇيلەر جەرمەن-جەكسەن ەتىلدى. ولاردىڭ ورنىنا زاماناۋي ىسكەرلىك اۋدان بوي كوتەرەتىن بولادى سولاردىڭ ىشىندە، بيىكتىگى 700 مەتردەن اساتىن ءزاۋلىم عيمارات بار.
