تايىپ ەردوعان: ەندى ءبىر 10-15 مينۋت كەشىكسەك، مەنى ولتىرۋلەرى مۇمكىن ەدى
پرەزيدەنتتىڭ مالىمدەۋىنشە، ەگەر ول ماريماريس قالاسىنداعى ءوزى تۇراقتاعان قوناق ۇيدە تاعى دا 10-15 مينۋتقا بوگەلگەنىندە، مەملەكەتتىك توڭكەرىسكە ارەكەت ەتكەن اسكەريلەردىڭ قولىنان قازا تاباتىن ەدى.
«مارماريس قالاسىنداعى قوناق ۇيدە ماعان قارسى وپەراتسيا جاسالدى. ەكى وققاعارىمدى ءولتىردى. ەگەر دە قوناق ۇيدە 10-15 مينۋتقا بوگەلسەم، مەنى ولتىرۋلەرى نەمەسە تۇتقىنعا الۋلارى ابدەن مۇمكىن ەدى»، - دەپ مالىمدەدى تايىپ ەردوعان CNN تەلەارناسىنىڭ ەفيرىنەن.
سونىمەن قاتار، تۇركيا پرەزيدەنتى مارماريس قالاسىنا وتباسىمەن دەمالۋعا كەلگەنىن جەتكىزدى.
«شىلدەنىڭ ون بەسى كۇنى مەن مارماريستە بولدىم، ءبىز بەس كۇندىك دەمالىستا بولاتىنبىز. كەشكى وندار شاماسىندا ماعان انكارا دا، ىستامبۇل دا جانە باسقا دا جەرلەردە قوزعالىستىڭ بولىپ جاتقاندىعى تۋرالى باياندادى... ءبىز دەرەۋ قوناق ۇيدەن كەتۋدى ۇيعاردىق» ، - دەدى ەردوعان.
سودان كەيىن، تەلەفون ارقىلى بەينە بايلانىسقا شىعىپ، حالىققا ۇندەۋ جاساپ، كوشەگە شىعۋدى سۇراعاندىعىن ايتتى.
