15:38, 13 - ءساۋىر 2023 | GMT +5
ب ق و تۇرعىنى 10 كۇندە جول ەرەجەسىن 139 رەت بۇزعان
استانا. قازاقپارات - باتىس قازاقستان وبلىسىنىڭ تۇرعىنى 10 كۇندە جول ەرەجەسىن 139 رەت بۇزعان، دەپ حابارلايدى قازاقپارات.
Polisia.kz مالىمەتىنشە، ايىپپۇلدىڭ جالپى سوماسى 4 ميلليون تەڭگەنى قۇرادى.
«اۆتوكولىكتىڭ قازاقستاندىق تىركەۋى جوق ەكەنىن پايدالانعان جۇرگىزۋشى جول قوزعالىسى ەرەجەلەرىن ساقتاماي، قالادا جىلدامدىقتى بارىنشا اسىرعان. ول كولىگىن بازالار بويىنشا ەسەپكە المايدى جانە جازادان قۇتىلىپ كەتەمىن دەپ ويلاعان.
ب ق و پوليتسيا دەپارتامەنتى اكىمشىلىك پوليتسيا باسقارماسىنىڭ قىزمەتكەرلەرى قۇقىق بۇزۋشىنى ۇستادى. بەلگىلى بولعانداي، جۇرگىزۋشىدە كولىك قۇرالىن باسقارۋ قۇقىعى بولماعان»، - دەلىنگەن پوليتسيا مالىمەتىندە.
اۆتوكولىك ارنايى تۇراققا قويىلدى.
