ءوز كولىگىنە دارەت سىندىرعان ازامات 1,9 جىلعا كولىك جۇرگىزۋ قۇقىعىنان ايرىلدى
بۇل جونىندە قالالىق سوتتىڭ باسپا ءسوز حاتشىسى قۋاندىق ەشىمەت حابارلادى.
«سۋديا ق ر اكىمشىلىك كودەكسىنىڭ 468- بابىنىڭ 1- تارماعى مەن 469- بابى بويىنشا ايىپتى دەپ تاۋىپ، 1,9 جىل كولىك جۇرگىزۋ قۇقىعىنان ايىرۋ تۋرالى اكىمشىلىك جازا تاعايىندادى. ءبىراق ايىپتالۋشىنىڭ ءوزى سوتقا كەلمەدى. سوت ۇكىمى زاڭدى كۇشىنە ەنگەن جوق. ول 15 تاۋلىك ىشىندە اپەللياتسيالىق شاعىم تۇسىرۋگە قۇقىلى» ، - دەدى ق. ەشىمەت.
19 - مامىردا عالامتوردى شارلاپ كەتكەن بەينەروليك قوعامدا قىزۋ تالقىلانعانى راس.
قىمبات تۇراتىن «پورشە كايەن» كولىگىنىڭ جۇرگىزۋشىسى 40 مينۋتتاي ءارى- بەرى سەندەلىپ، اقىرىندا كوشەدە دارەت سىندىرادى. ول ازداي رۇقسات ەتىلمەگەن جەردەن بۇرىلىپ، جول ەرەجەسىن دە بۇزعان. ءبىراق پوليتسيا قىزمەتكەرلەرى ونىڭ ىشىمدىك ىشكەنىن دالەلدەي المادى.
اتالعان ارەكەتى ءۇشىن ول اكىمشىلىك كودەكستىڭ 330-بابى بويىنشا ۇساق بۇزاقىلىق جاسادى دەگەن ايىپپەن جاۋاپقا تارتىلدى. جۇرگىزۋشى اكىمشىلىك سوت شەشىمىمەن 5 تاۋلىككە قامالدى. جول ەرەجەسىن بۇزعانى ءۇشىن 4 فاكتى بويىنشا ايىپپۇل تولەيتىن بولادى.
اۆتور: گۇلميرا عوسمانالي
