فۋتبولدان چەمپيوندار ليگاسى: بۇگىن 1/8 فينالدىڭ تاعى ەكى ويىنى وتكىزىلەدى

نۇر-سۇلتان. قازاقپارات - بۇگىن، 15- ناۋرىزدا فۋتبولدان UEFA چەمپيوندار ليگاسى 1/8 فينالىنىڭ تاعى ەكى ويىنى وتكىزىلەدى، دەپ حابارلايدى قازاقپارات ءتىلشىسى.

ويىندار 15-16- ناۋرىز كۇندەرىنە بەلگىلەنگەن. الدىمەن 15- ناۋرىزدا انگليانىڭ «مانچەستەر يۋنايتەد» جانە يسپانيانىڭ «اتلەتيكو مادريد» (ءبىرىنشى ويىن 1:1)، نيدەرلاندىنىڭ «اياكس» جانە پورتۋگاليانىڭ «بەنفيكا» (ءبىرىنشى ويىن 2:2) كوماندالارى جاسىل الاڭعا شىعادى.

ويىندار ەلوردا ۋاقىتىمەن 01:50 دە «Qazaqstan» جانە «Qazsport» تەلەارنالارىنان كورسەتىلەدى.

ال 16- ناۋرىزدا ءوز الاڭىندا «يۋۆەنتۋس» (يتاليا) پەن «ۆيلياررەال» (يسپانيا)، «ليلل» (فرانسيا) جانە «چەلسي» (انگليا) شەبەرلىك بايقاسادى.

ەسكە سالساق، بۇدان بۇرىن قوس ويىننىڭ ناتيجەسىمەن «مانچەستەر سيتي» (انگليا)، «رەال مادريد» (يسپانيا)، «باۆاريا» (گەرمانيا) مەن «ليۆەرپۋل» (انگليا) كوماندالارى 1/4 فينالعا جولداما الدى.