سپورتپەن شۇعىلدانۋشى استانالىقتاردىڭ ۇلەسى 1,8 پايىزعا ارتتى
بۇگىندە سپورتپەن شۇعىلداناتىن استانالىقتاردىڭ ۇلەسى 1,8 پايىزعا ارتقان. نۇر-سۇلتانداعى بۇقارالىق سپورتتىڭ بۇگىنگى دامۋى جايلى قالالىق دەنە شىنىقتىرۋ جانە سپورت باسقارماسىنىڭ باسشىسى سامات ەرعاليەۆ ايتىپ بەردى، دەپ حابارلايدى قازاقپارات ءتىلشىسى.
«بۇگىندە كارانتينگە قاراماستان سپورتپەن اينالىسۋشىلاردىڭ سانى 378835 ادامعا جەتتى. بۇل جالپى قالا تۇرعىندارىنىڭ 31,5 پايىزىن قۇرايدى. ياعني سپورتپەن شۇعىلدانۋشى استانالىقتاردىڭ ۇلەسى 1,8 پايىزعا وسكەن. جالپى قالامىزدا بۇقارالىق سپورتتىڭ دامۋىنا بارلىق جاعداي جاسالعان. قالا اكىمىنىڭ تاپسىرماسىنا ساي جاقىندا سپورت كوليزەيى اشىلدى. سونداي-اق، كوپشىلىككە ارنالعان ترياتلون پاركى، ل. گۋميليەۆ اتىنداعى ە ۇ ۋ- ءى جانىنداعى كوپىر استىندا ارنايى سپورت الاڭى دا جۇمىس ىستەپ تۇر. قالا ساياباقتارىنىڭ بارلىعى دەرلىك ۆوركاۋت الاڭدارىمەن قوسا جاتتىعۋعا ارنالعان قۇرال-جابدىقتارمەن قامتىلعان»، - دەدى س. ەرعاليەۆ.
ودان بولەك، س. ەرعاليەۆ ەلوردادا ۆەلوسيپەد جولاۋشىلارىنا دا ءمان بەرىلىپ جاتقانىن ايتتى.
قازىرگى ۋاقىتتا قالادا 70 شاقىرىمدى قۇرايتىن ۆەلوجول بار. الداعى ۋاقىتتا ونى 123 شاقىرىمعا جەتكىزۋ جوسپارى تۇر.
بۇعان دەيىن باسقارما باسشىسى نۇر-سۇلتاندا بيىل اشىلعان سپورتتىق نىسانداردىڭ جۇمىسىمەن تانىستىردى. ودان بولەك، ەلوردادا سپورتتىق-مەديتسينالىق ورتالىقتىڭ اشىلاتىنى ايتىلدى.