قىتاي وزبەكستانعا 1,8 ميلليارد دوللارعا جەل ەلەكتر ستانسياسىن سالىپ بەرمەك
نۇر-سۇلتان. قازاقپارات – 22- قىركۇيەكتە وزبەكستاننىڭ بۇقارا وبلىسىندا جەل ەلەكتر ستانتسياسىنىڭ قۇرىلىسى باستالدى.
وزبەكستاننىڭ سىرتقى ىستەر مينيسترلىگىنىڭ اقپاراتىنا قاراعاندا، جوبانى قىتايدىڭ Lioaning Lide كورپوراتسياسى جۇزەگە اسىرادى.
6 مىڭ گەكتار جەرگە سالىناتىن، قۋاتى 1,5 مىڭ مەگاۆات ستانتسيا قۇنى 1,8 ميلليارد دوللار.
2017-جىلى وزبەكستان 2017-2025-جىلدارعا ارنالعان قالپىنا كەلەتىن ەنەرگيا كوزدەرىن دامىتۋ باعدارلاماسىن قابىلداعان.
2018-جىلى وزبەكستان رەسەيمەن اتوم ەلەكتر ستانسياسىن سالۋ جونىندە كەلىسىم جاساسىپ، بولاشاق ا ە س قازاقستان شەكاراسىنا جاقىن تۋزكان كولى ماڭىندا ورنالاساتىنىن حابارلادى.
«ازاتتىق»
