10:50, 26 - قىركۇيەك 2017 | GMT +5
قىتايدا ديماشتىڭ دومبىراسى 1,8 ميلليون تەڭگەگە ساتىلدى
استانا. قازاقپارات - ديماش قۇدايبەرگەننىڭ دومبىراسى قىتايدا 35 مىڭ يۋانعا (1806000 تەڭگە) ساتىلدى، دەپ حابارلايدى قازاقپارت ءتىلشىسى.

قىتايلىق sina.com پورتالىنىڭ حابارلاۋىنشا، دومبىرانى «Smile Angel Foundation» قايىرىمدىلىق قورى اۋكسيون ارقىلى ساتىپ، بارلىق قاراجاتتى قوردىڭ «smile angel hospital» ەمحاناسىنداعى كومەككە مۇقتاج بالالارعا جۇمساماقشى.
ايتا كەتەيىك، ديماش كومەككە مۇقتاج بالالارعا كومەك كورسەتۋ ءۇشىن، دومبىرانى 19- قىركۇيەك كۇنى «Smile Angel Foundation» قايىرىمدىلىق قورىنا سيلاعان بولاتىن.
اۆتور: مۇحتار قاليموللا ۇلى