الەۋمەتتىك جەلىدەگى الىپبيگە قاتىستى 1,8 مىڭ جازبا نازارىمىزدا - ەردەن قاجىبەك

استانا. قازاقپارات - لاتىن نەگىزدى قازاق جازۋىنىڭ رەفورماسى - رۋحاني جاڭعىرۋىمىزدىڭ شەشۋشى فاكتورى، تەرەڭ مانگە يە باستاما. جالپى ۇلتتىق دەموكراتيالىق كۇشتەر كواليتسياسىنىڭ وتىرىسىندا مەملەكەتتىك ءتىلدى جاڭا الىپبيگە كوشىرۋ جونىندەگى ق ر پرەزيدەنتى جانىنداعى ۇلتتىق كوميسسيانىڭ جۇمىس توبىنىڭ جەتەكشىسى ەردەن قاجىبەك وسىلاي ءمالىم ەتتى.

 «اقپارات قۇرالدارىنا كەلەتىن بولساق، ەلباسىنىڭ باعدارلامالىق ماقالاسى جاريالانعاننان بەرى قازاق ءالىپبيىن رەفورمالاۋ تۋرالى ەكى مىڭعا جۋىق ساراپتامالىق ماقالالار مەن پايىمداۋلار جارىق كوردى. الەۋمەتتىك جەلىلەردە 1800 دەن استام مازمۇندى جازبالار شىقتى. وسىنىڭ بارلىعى - ءاردايىم ءبىزدىڭ نازارىمىزدا»، - دەدى ەردەن قاجىبەك.

ۇلتتىق كوميسسيانىڭ جۇمىس توبىنىڭ باستاماسىمەن 20 دان استام عىلىمي- ۇيىمداستىرۋ جانە عىلىمي- تاجىريبەلىك ءىس- شارالار ءوتىپ، ولارعا ەكى ايدا 2,5 مىڭنان استام عالىمدار مەن زيالى قاۋىم وكىلدەرى قاتىسقان.

 «ەلباسى تاپسىرماسىنا سايكەس بۇل كەلەلى ماسەلە قالىڭ جۇرتشىلىقتىڭ بەلسەنە قاتىسۋىمەن ىسكە اسىرىلۋدا. ەلدىڭ تۇكپىر- تۇكپىرىنەن، شەتەلدەن، اۋىلدان دا، قالادان دا، حالىق قالاۋلىلارى مەن مەملەكەتتىك قىزمەتكەرلەر، عالىمدار مەن زەينەتكەرلەر، جاستار مەن سىرتتاعى وتانداستارىمىز - ءبارى دە ءوز ۇلەستەرىن قوسۋعا تىرىسۋدا»، - دەدى لينگۆيست عالىم.

ونىڭ ايتۋىنشا، جوبالار سۇرىپتالىپ «ينتەرنەت IT»، «تۇركىلىك»، «قازاق فيلولوگيالىق»، «اعىلشىن- ەۋروپالىق»، «UNICODE»، «كيريل- لاتىن»، «قۇراما»، «اۋەسقوي» دەپ توپتارعا بولىنگەن.

«ماسەلەن، بەلگىلى وتانداسىمىز، ءتىلشى پروفەسسور، قىتاي ازاماتى مۇرات سۇلتانشارىپ ۇلى، رەسەيلىك وتانداسىمىز، ماسكەۋلىك، تانىمال التايست- تۇركولوگ ەركولي ازەربايەۆ، ءماجىلىس دەپۋتاتى ازات پەرۋاشيەۆتان، كوپتەگەن شەتەلدىك عالىمدار - ەۋروپا مەن ا ق ش- تان، تۇركيا مەن كورەيادان، وڭىرلەردەن - ۇسىنىستار، حاتتار، جوبالار كەلىپ جاتىر»، - دەدى ەردەن قاجىبەك.