زارينا دياس ۆاشينگتوندا ءوتىپ جاتقان ءتۋرنيردى 1/8 فينالىندا ياقتادى

استانا. قازاقپارات - قازاقستاندىق تەننيسشى زارينا دياس ۆاشينگتوندا ءوتىپ جاتقان WTA تۋرنيرىنە قاتىسۋدى اياقتادى، دەپ حابارلادى Vesti.kz.

1/8 فينالدىق باسەكەدە زارينا دياس جاپوندىق تەننيسشى كۋرۋمي نارامەن كەزدەسىپ، قارسىلاسىنىڭ پايداسىنا شەشىلگەن ەسەپتەن (6:3, 2:6, 0:4) كەيىن ويىندى جالعاستىرۋدان باس تارتتى. اتاپ كەتەتىنى، 20 جاستاعى زارينا دياس WTA رەيتينگىندە 53- ورىندا. ال 22 جاستاعى جاپوندىق تەننيسشى الەمنىڭ 4- شى راكەتكاسى.

ەسكە سالا كەتەيىك، ءتۋرنيردىڭ باسىندا زارينا دياس 16 جاستاعى كورت يەسى اليسيا بلەك تورنادتى 6:4, 6:0 ەسەبىمەن ۇتتى. وسى جەڭىستىڭ ارقاسىندا زارينا دياس ياروسلاۆا شۆەدوۆادان WTA رەيتينگىندە اسىپ ءتۇسىپ، قازاقستاننىڭ ءبىرىنشى راكەتكاسى اتانعان بولاتىن.