ەسەپ كوميتەتى وتكەن جىلى 1,7 تريلليون تەڭگەنىڭ كەمشىلىكتەرىن انىقتادى
كەڭەستە مەملەكەت باسشىسىنىڭ جاقىندا وتكەن ۇكىمەتتىڭ كەڭەيتىلگەن وتىرىسىندا ەسەپ كوميتەتىنە بەرگەن تاپسىرمالارىن ورىنداۋ ماسەلەلەرى تالقىلانعان.كوميتەتتىڭ مالىمەتىنشە، وتكەن جىلى 155 نىساندا 32 تريلليون تەڭگەگە اۋديت جۇرگىزىلگەن.
ەسەپ كوميتەتى 1,7 تريلليون تەڭگە بولاتىن بۇزۋشىلىقتاردى انىقتادى، ونىڭ ىشىندە: قارجىلىق بۇزۋشىلىقتار - 399 ميلليارد تەڭگەگە؛ ءتيىمسىز جوسپارلاۋ - 255 ميلليارد تەڭگەگە جانە ءتيىمسىز پايدالانىلعان بيۋجەت قاراجاتى، مەملەكەت اكتيۆتەرى - 1 تريلليون تەڭگەدەن اسادى.
ونىڭ 29,1 ميلليارد تەڭگەسى قالپىنا كەلتىرىلىپ، مەملەكەتتىك بيۋجەتكە قۇيىلعان. ۇكىمەت پەن مەملەكەتتىك ورگاندارعا 81 ۇسىنىم مەن 511 تاپسىرما بەرىلگەن. 199 لاۋازىمدى تۇلعا تارتىپتىك جاۋاپكەرشىلىككە تارتىلدى، ونىڭ ىشىندە 34 جوعارى بۋىن باسشىسى بار. 75 جەكە جانە زاڭدى تۇلعا اكىمشىلىك جاۋاپكەرشىلىككە تارتىلىپ، 56 اۋديت ماتەريالدارى قۇقىق قورعاۋ ورگاندارىنا جىبەرىلگەن.
