رەسەي پوليگون رەتىندە پايدالانىپ كەلگەن 1,7 ميلليون گەكتار جەردى قازاقستانعا قايتاراتىن بولدى

استانا. قازاقپارات - رەسەي بۇعان دەيىن قورعانىس مينيسترلىگىنىڭ سىناق پوليگوندارى رەتىندە پايدالانىلىپ كەلگەن 1,7 ميلليون گەكتار  جەردى قازاقستانعا قايتارادى.

بۇل تۋرالى بۇگىن قازاقستان مەن رەسەي قورعانىس مينيسترلەرىنىڭ كەزدەسۋىندە بەلگىلى بولدى.

ر ف قورعانىس ءمينيسترى سەرگەي شويگۋ ارەندا اۋماعىنان قولدانىلمايتىن اۋماقتاردىڭ شىعارىلىپ، قازاقستان تاراپىنا وتەتىنىن ايتقان.

«ءبىز قازاقستاننىڭ وتىنىشتەرىن ەسكەردىك. باستى ناتيجە رەتىندە رەسپۋبليكا اۋماعىندا رەسەي قورعانىس مينيسترلىگى سىناق پوليگوندارى ءۇشىن جەردى جالعا الۋ جانە پايدالانۋ تۋرالى كەلىسىم حاتتامالارىنىڭ كۇشىنە ەنۋىن ايتۋعا بولادى. ءبىز قازاقستان جاققا قادام جاساپ، 1,7 ميلليون گەكتار جەر ۋچاسكەسىن ارەندادان شىعاردىق»، - دەپ اتاپ ءوتتى س. شويگۋ كەزدەسۋ بارىسىندا.

بۇدان بولەك رەسەي ەمبى سىناق الاڭىن دا قايتارۋعا قارسى ەمەس كورىنەدى.

«وسى جۇمىستىڭ جالعاسى رەتىندە ەمبى پوليگونى بويىنشا حاتتاما دايىنداۋعا كەلىستىك. وسىلايشا قازاقستاننىڭ حالىق شارۋاشىلىعىنا تاعى 300 مىڭ گەكتاردان استام جەر قايتارىلاتىن بولادى»، - دەيدى ر ف قورعانىس ءمينيسترى.

رەسمي ب ا ق س. شويگۋ مەن ي. تاسماعامبەتوۆ كەزدەسۋىندە بۇدان باسقا وڭىرلىك قاۋىپسىزدىك، قورعانىس سالاسىنداعى بىرىككەن جوبالار جايى ءسوز بولعانىن جازۋدا.

«قامشى»