ءۇندىستانداعى الاپات ىستىق قۇرباندارىنىڭ سانى 1,7 مىڭ ادامنان استى
اۋا رايى ەڭ ىستىق اندحرا-پرادەش جانە تەلانگانا وڭتۇستىك شتاتتارىندا تيىسىنشە 1,3 مىڭ ادام جانە 440 مىڭ ادام كوز جۇمدى. وندا كۇن ۇزاعىنا اۋانىڭ تەمپەراتۋراسى سەلسي بويىنشا 47 گرادۋسقا دەيىن كوتەرىلدى.
اندحرا-پرادەش شتاتىنىڭ ۇكىمەتى بارلىق تىلەكەك بىلدىرۋشىلەر اۋىزسۋ جانە ءسۇت الۋ ءۇشىن جەدەل كومەك بەرۋ پۋنكتتەرى اشىلعانىن حابارلادى.
اپتاپ ىستىق سونداي-اق باتىس بەنگاليا، بيحار، وديشا (بۇرىنعى وريسسا) شتاتتارىندا جانە ەل استاناسى - نيۋ-دەلي قالاسىندا ونداعان ادامنىڭ ءومىرىن قيدى.
ءۇندىستاننىڭ مەتەورولوگيا دەپارتامەنتى ىستىق اۋا رايى اپتانىڭ سوڭىنا دەيىن ساقتالاتىنىن حابارلادى. ماۋسىم ايىنىڭ باسىندا، سونىڭ ىشىندە نيۋ-دەليدە مەتەورولوگتار جاۋىن جاۋاتىنىن ايتادى.
بۇكىل ءۇندىستاندا دەرلىك تەرمومەتر باعانى وسى ماۋسىمداعى نورمادان ءۇش-جەتى گرادۋسقا جوعارى اۋا رايىن كورسەتۋدە. ماسەلەن، گيمالايداعى حيماچال-پرادەش شتاتىنداعى شيملا قالاسىندا تەمپەراتۋرا 28 گرادۋستان تومەن تۇسپەي تۇر، بۇل نورماداعىدان ءتورت گرادۋسقا جوعارى.
