قوستانايدا قىلمىستىق توپ 1,6 ميلليارد تەڭگەدەن استام بيۋدجەت قاراجاتىن جىمقىرعان

قارجىلىق مونيتورينگ اگەنتتىگىنىڭ مالىمەتىنشە، ۇرلىق سوماسى 1,6 ميلليارد تەڭگەدەن اسادى. ەسكە سالايىق، ۇيىمداسقان توپتى ءىرى ەت وڭدەۋ كاسىپورنىنىڭ ديرەكتورى باسقارعان. ونىڭ قۇرامىنا قاراماعىنداعىلار، شارۋا قوجالىقتارىنىڭ باسشىلارى، مال دارىگەرلەرى مەن لاۋازىمدى تۇلعالار كىردى.
قىلمىستىق سحەما شارۋا قوجالىقتارىنىڭ قايتا وڭدەۋ زاۋىتىنا جوق ونىمدەردى، سونداي- اق قىلمىستىق توپ مۇشەلەرى اراسىندا بولىنگەن سۋبسيديالار العان ارتىق سالماعى بار ونىمدەردى جەتكىزۋدەن تۇردى. قازىر ۇيىمداسقان قىلمىستىق توپ مۇشەلەرىنىڭ قىلمىستىق ارەكەتتەرىنە قاتىسى بار 50-دەن استام شارۋا قوجالىعى انىقتالدى. بۇگىندە الاياقتىق، ۇيىمداسقان توپ قۇرۋ جانە باسقارۋ فاكتىلەرى بويىنشا ون جەتى قىلمىستىق ءىس تىركەلدى.
توپ مۇشەلەرىنىڭ بانك ۇياشىقتارىندا جانە ەسەپشوتتارىندا شەتەل جانە ۇلتتىق ۆاليۋتاداعى جالپى سوماسى 3 ميلليوننان استام ا ق ش دوللارى بار ەكەنى انىقتالدى. الدىن الا تەرگەۋ بارىسىندا قوجالىق باسشىلارى كىناسىن مويىنداپ، 62 ميلليون تەڭگەدەن استام قارجىنى ءوز ەركىمەن مەملەكەت كىرىسىنە قايتارعان.
تەرگەۋ بارىسىندا ۇيىمداسقان قىلمىستىق توپتىڭ 5 بەلسەندى مۇشەسى قاماۋعا الىندى. سوتقا دەيىنگى تەرگەۋ جالعاسىپ جاتىر. ق ر ق پ ك 201-بابىنا سايكەس وزگە دە مالىمەتتەر جاريا ەتىلمەيدى.
ق ر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق- پروتسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.