ءزىلزالادان زارداپ شەككەن 1,6 ميلليون تۇركيا ازاماتىنىڭ باسپانا ماسەلەسى شەشىلدى - ەلشى
ەلشىلىكتە وتكەن بريفينگىدە تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۋفۋك ەكيدجي وسىلاي مالىمدەدى، دەپ حابارلايدى قازاقپارات ءتىلشىسى.
«قازىرگى كەزدە 1 ميلليون 684 مىڭ ازاماتىمىزدىڭ باسپانا ماسەلەسى شەشىلدى. بۇل ادامدار ءۇشىن شاتىرلاردا، كونتەينەرلەردە، جاتاقحانالاردا جانە قوناق ۇيلەردە ورىندار ءبولىندى. كۇن سايىن شاتىرلار تىگىلىپ، كونتەينەرلەر ورنالاستىرىلىپ جاتىر. شاتىرلى قالاشىقتار 270 جەردە ورناتىلدى. توتەنشە جاعداي ىستەرى بويىنشا اگەنتتىگى 1809 شاتىر، ۇلتتىق قورعانىس مينيسترلىگى 59 مىڭ شاتىر ورناتتى. «قىزىل جارتى اي» جانە باسقا دا مەكەمەلەر ورناتقان شاتىرلارمەن بىرگە ولاردىڭ سانى 400 مىڭعا جەتتى دەپ ايتا الامىز»، - دەدى ۋفۋك ەكيدجي.
ەلشى بريفينگ بارىسىندا زارداپ شەككەندەرگە كومەك رەتىندە قازاقستاندىقتار 5 ميلليون دوللار جيناعانىن ايتىپ، العىس ءبىلدىردى.
سونىمەن قوسا، بۇگىنگە دەيىن جەر سىلكىنىسىنەن قيراعان جانە قۇلاۋ الدىندا تۇرعان 156 مىڭ عيمارات انىقتالعانىن ءمالىم ەتتى.
ەسكە سالايىق، 6- اقپاندا كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. جەراستى دۇمپۋلەرى ەلدىڭ 10 پروۆينتسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.
