الماتىدا كوروناۆيرۋس جۇقتىرعاندار 1,6 مىڭنان اسىپ كەتتى
«مەگاپوليستە كوروناۆيرۋس ينفەكتسياسىن جاڭادان جۇقتىرعان 39 ادام انىقتالدى. كەشە 13 جانە بۇگىن 26 جاعداي بەلگىلى بولدى. بارلىعى پروۆيزورلىق گوسپيتالدا جاتقان كارانتيندەگى ادامدار. بۇعان دەيىن ولار ۆيرۋس جۇقتىرعان ناۋقاستارمەن بايلانىستا بولعان. سوڭعى كۇندەرى Covid-19 ۆيرۋسىنا وڭ ناتيجەلەر تەك كارانتيندەگى ادامداردان انىقتالدى. جاڭا جۇقتىرۋ وشاقتارى جوق»، - دەپ حابارلادى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ستاتسيونارلارداعى Covid-19 ۆيرۋسى بار 33 ەمدەلۋشىنىڭ جاي- كۇيى - اۋىر، 237 ادامدا - اۋىرلىقتىڭ ورتاشا دارەجەسىندە جانە قالعان ناۋقاستاردا سيمپتومسىز جەڭىل تۇردە وتۋدە. ستاتسيونارلاردا كوروناۆيرۋس ينفەكتسياسىنان 1145 ادام، پروۆيزورلىق گوسپيتالداردا 404 ازامات ەمدەلۋدە، كارانتيندە - 329 ادام جانە ۇيدە وقشاۋلانۋداعى 15 327 تۇرعىن بار. قازىرگى ۋاقىتتا الماتى قالاسىندا ءو ج ج اپپاراتىمەن ەمدەلىپ جاتقانداردىڭ اراسىندا جاعدايى اسا اۋىر دارەجەدەگى ناۋقاس جوق. بۇگىنگى كۇنى الماتىدا كوروناۆيرۋس ىندەتى بويىنشا جاعداي تۇراقتالدى.
«الماتىدا اتالعان ۆيرۋستان ەمدەلىپ جاتقان ادامداردىڭ باسىم كوپشىلىگىندە، دالىرەك ايتقاندا ناۋقاستاردىڭ %77 دا بۇل سىرقات جەڭىل تۇردە ءوتىپ جاتقانىن، ياعني حالىقارالىق تاجىريبەگە سايكەس ولار ەمدەۋدى قاجەت ەتپەيتىندىگىن جانە ۆيرۋستى تىكەلەي تاسىمالداۋشى ەكەندىگىن ەستەرىڭىزگە سالامىز. بۇل ەمدەلۋشىلەرگە قاتىستى، ەگەر ۇيدەگى كارانتينگە ولاردا ءتيىستى جاعدايلار جاسالعان بولسا، وندا ولاردى ءۇي كارانتينىنە جىبەرۋ ماسەلەسى قارالاتىن بولادى، ەگەر ءتيىستى جاعداي جاسالماعان بولسا، وندا كارانتيندىك ستاتسيونارلاردا بولادى. مىسالى، قازىرگى ۋاقىتتا الماتىدا اۋرۋى جەڭىل تۇردە ءجۇرىپ جاتقان 68 مەديتسينا قىزمەتكەرى ءۇي جاعدايىندا ءوزىن- ءوزى وقشاۋلاۋ ارقىلى ەمدەلۋىن اياقتاۋعا اۋرۋحانادان شىعارىلعان»، - دەپ اتاپ ءوتتى باسقارمانىڭ باسپا ءسوز قىزمەتى.
سونىمەن قاتار، سيمپتومسىز تاسىمالداۋشىلاردا كوروناۆيرۋس ينفەكتسياسى انىقتالعان جاعدايدا، پاتسيەنت كلينيكالىق تەكسەرۋدەن ءوتىپ، 3 كۇن بويى باقىلاۋدا بولادى جانە ەمدەۋگە جاتقىزىلادى، سودان كەيىن عانا ءۇي كارانتينىنە جىبەرىلەتىندىگىن ەسكەرۋ قاجەت. كەشە كوروناۆيرۋس ينفەكتسياسىنان ساۋىعىپ، 38 ادام ەمدەۋدەن شىعارىلدى. مەگاپوليستە جالپى ۆيرۋس جۇقتىرعاندار ىشىنەن ساۋىعىپ شىققان ەمدەلۋشىلەر سانى بۇگىنگى كۇنى 29 پايىز. ال ءۇي كارانتينىنە شىعارىلعانداردى ەسەپكە العاندا 33 پايىزعا جەتتى.
