ءبىرقاتار ايماقتا 1-6 گرادۋسقا دەيىن كۇن سۋىتادى

استانا. قازاقپارات - اتموسفەرالىق فرونتتاردىڭ وتۋىنە بايلانىستى 19 -مامىر كۇنى قازاقستاننىڭ بارلىق ايماقتارىندا تۇراقسىز كۇن رايى ساقتالادى.

كەي جەرلەردە جاڭبىر جاۋىپ، نايزاعاي سوعادى، تۇمان بولىپ، جەل كۇشەيەدى. جاۋىن-شاشىنسىز اۋا رايى سولتۇستىك، سولتۇستىك- شىعىس جانە شىعىستا بولجانادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا،  قىزىلوردا وبلىسىنىڭ كەي جەرلەرىندە جەل 15-20 م/س كۇشەيەدى، ەكپىنى شاڭدى داۋىلمەن 23 م/س جەتەدى. سونداي-اق وڭىردە بۇرشاق كۇتىلەدى. وڭتۇستىك قازاقستان، جامبىل وبلىستارىنىڭ جەكەلەگەن جەرلەرىندە بۇرشاق جاۋادى، 15-20 م/س جىلدامدىقپەن سوققان جەلدىڭ ەكپىنى 23 م/س ارتادى.

قوستاناي وبلىسىنىڭ كەي اۋماقتارىندا تۇمان كۇتىلەدى، كۇندىز جەل 18 م/س كۇشەيەدى. الماتى وبلىسىنىڭ كەي جەرلەرىندە سونداي-اق بۇرشاق جاۋىپ، جەلدىڭ ەكپىنى 15-20 م/س جەتەدى.

قاراعاندى، تۇندە شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى. سولتۇستىك قازاقستان وبلىسىنىڭ جەكەلەگەن اۋماقتارىن تۇندە جانە تاڭەرتەڭ تۇمان باسادى. تۇندە اقمولا، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە نولدەن تومەن 1-6 گرادۋسقا دەيىن ۇسىك جۇرەدى دەپ كۇتىلۋدە.

سونداي-اق «قازگيدرومەتتىڭ» ەسكەرتۋىنشە، كۇندىز وڭتۇستىك قازاقستان وبلىسىنىڭ كەي جەرلەرىندە جوعارى ءورت قاۋپى ساقتالادى.