قازاقستاندا كاسىپورىنداردىڭ جۇمىسشىلارىنا جالاقى قارىزى 1,6 ميلليارد تەڭگە - ت. دۇيسەنوۆا
بۇل تۋراۋلى بۇگىن ق ر ۇكىمەتى وتىرىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمالىم ەتتى.
ءمينيستردىڭ العا تارتقان دەرەكتەرىنە قاراعاندا، جىل باسىنان مەملەكەتتىك ينسپەكتورلار ەل كاسىپورىندارىنىڭ اعىمداعى بەرەشەكتەرى 2,8 ميلليارد تەڭگە كولەمىندە انىقتالىپ، داعدارىسقا قارسى شتابتىڭ قابىلداعان شارالارىنىڭ ارقاسىندا ونىڭ 2,4 ميلليارد تەڭگەسى وتەلگەن.
«دەگەنمەن، وڭىرلىك داعدارىسقا قارسى شتابتىڭ مالىمەتتەرى بويىنشا جالاقى بويىنشا جالپى بەرەشەكتىڭ كولەمى بۇگىندە 1,6 ميلليارد تەڭگەنى قۇراپ وتىر. ونىڭ ىشىندە ءۇش ايعا دەيىنگى اعىمداعى بەرەشەكتەر 514 ميلليون تەڭگەنى، ءۇش ايدان اساتىن ۋاقىتى ءوتىپ كەتكەن بەرەشەك شامامەن 134 ميلليون تەڭگەنى قۇرايدى. بانكروتقا ۇشىراعان كاسىپورىنداردا، بۇل ەڭ كولەمدىسى - 955 ميلليون تەڭگە.
قازىرگى ۋاقىتتا بۇل باعىتتا باس پروكۋراتۋرامەن، قارجى مينيسترلىگىمەن جانە جەرگىلىكتى اتقارۋشى ورگاندارمەن بىرلەسكەن جۇمىستار جۇرگىزىلۋدە. ءسىزدىڭ تاپسىرماڭىزدى ەسكەرە وتىرىپ، كەلەسى اپتادا اكىمدەرىمەن بىرلەسە وتىرىپ جان-جاقتى اقپارات بەرەتىن بولامىز»، - دەدى ت. دۇيسەنوۆا ۇكىمەت باسشىسى ك. ماسىموۆكە قاراتا ايتقان سوزىندە.
اۆتور: مارلان جيەمباي