بالانىڭ 1,5 جاسىنا دەيىنگى جاردەماقى قالاي بەرىلەدى؟
سونداي-اق مينيسترلىك وكىلدەرى جاردەماقى تولەۋ نەگە 2022-جىلدىڭ 1- قاڭتارىنان تۋعان بالالارعا عانا قاتىستى ەكەنىن ءتۇسىندىردى.
مەملەكەتتىك جاردەماقىلار تۋرالى زاڭعا سايكەس تۋعان، اسىراندى، سونداي-اق قامقورلىققا الىنعان بالالارى بار وتباسىلار ءبىر جاسقا تولعانعا دەيىن بالا كۇتىمى بويىنشا اي سايىنعى مەملەكەتتىك جاردەماقى الۋعا قۇقىلى. بالا كۇتىمى جونىندەگى جاردەماقىنى تولەۋ كەزەڭىن 1 جاستان 1,5 جاسقا دەيىن ۇزارتۋ 2023-جىلعى 1- قاڭتاردان باستاپ عانا جۇزەگە اسىرىلاتىن بولادى. قۇقىقتىق اكتىلەر تۋرالى زاڭعا سايكەس، نورماتيۆتىك قۇقىقتىق اكتىنىڭ كۇشى ول قولدانىسقا ەنگىزىلگەنگە دەيىن تۋىنداعان قاتىناستارعا قولدانىلمايدى.
جۇمىس ىستەيتىن ايەلدەر مەن ەرلەر ءۇشىن اي سايىنعى جاردەماقى مولشەرى سوڭعى ەكى جىلداعى ورتاشا ايلىق تابىستىڭ 40 پايىزى. ەكى جانە ودان دا كوپ بالا تۋعان كەزدە تولەم ءاربىر بالاعا جەكە تاعايىندالادى.
جۇمىس ىستەمەيتىن ايەلدەر ءۇشىن بالا كۇتىمى بويىنشا اي سايىنعى جاردەماقى بەلگىلەنگەن جانە ونىڭ مولشەرى:
ءبىرىنشى بالاعا - 5,76 ا ە ك (18316 تەڭگە)؛
ەكىنشى بالاعا - 6,81 ا ە ك (21,655 تەڭگە)؛
ءۇشىنشى بالاعا - 7,85 ا ە ك (24963 تەڭگە)؛
ءتورتىنشى جانە ودان جوعارى - 8,90 ا ە ك (28,302 تەڭگە).
2021-جىلى بالا كۇتىمى بويىنشا اي سايىنعى جاردەماقىنى شامامەن 385 مىڭ ادام الدى، ونىڭ 3,5 مىڭعا جۋىعى - ەر ادام.
سونىمەن قاتار، بالا تۋعان كەزدە ءبىرجولعى جاردەماقى تاعايىندالادى. ول ءبىرىنشى، ەكىنشى جانە ءۇشىنشى بالاعا - 38 ا ە ك (120840 تەڭگە). ءتورتىنشى بالاعا اتا-انالار 63 ا ە ك (200340 تەڭگە) استام جاردەماقى الادى.
