اتىراۋدا ادام ومىرىنە قاۋىپتى 1,5 توننادان استام تاۋىق ەتى جويىلدى
اتىراۋ قالالىق سانيتارلىق- ەپيدەميولوگيالىق باقىلاۋ باسقارماسىنىڭ مالىمەتىنشە، تاۋىق ەتىنە ساراپتاما جۇرگىزىلگەن.
«اتىراۋ قالاسىنداعى كوتەرمە جانە بولشەك ساۋدا نىساندارىنان سانيتارلىق- ەپيدەميولوگيالىق ساراپتاما جۇرگىزۋ ءۇشىن 108 ءتۇرلى تاۋىق ەتىنىڭ سىناماسى ساتىپ الىنعان. ساراپتاما جۇرگىزۋ ناتيجەسىندە 108 سىنامانىڭ %40 دان استامىنىڭ كەدەن وداعىنىڭ تەحنيكالىق رەگلامەنتتەرىنىڭ تالاپتارىنا سايكەس كەلمەيتىنى انىقتالدى.
«ماكينسك قۇس فابريكاسى» ج ش س- ءنىڭ برويلەر- بالاپان ەتىنەن ادام ومىرىنە قاۋىپ توندىرەتىن باكتەريولوگيالىق كورسەتكىشى تابىلدى. وسىعان بايلانىستى ءىرى كاسىپكەرلىك سۋبەكتىسى - «مەترو كەش ەند كەرري» ج ش س- عا جوسپاردان تىس تەكسەرۋ تاعايىندالدى. تەكسەرۋ كەزىندە سۋبەكت تاراپىنان ءونىم ساپاسىنىڭ تالاپقا سايكەس ەمەستىگى انىقتالىپ، ساتىلىمداعى 1 توننا 597,65 كەلى برويلەر تاۋىق ەتىن جويۋ تۋرالى سانيتارلىق- ەپيدەميولوگيالىق نۇسقاما بەرىلدى»، - دەپ حابارلادى اتىراۋ قالالىق سانيتارلىق- ەپيدەميولوگيالىق باقىلاۋ باسقارماسى.
ادامنىڭ ءومىرى مەن دەنساۋلىعىنا، جانۋارلار مەن قورشاعان ورتاعا قاۋىپ توندىرەتىن تاماق ونىمدەرىن جويۋ جونىندەگى كوميسسيانىڭ شەشىمى نەگىزىندە قاۋىپتى تاۋىق ەتى ورتەلدى. ءونىمدى جويۋ ءىس- شاراسىنا اتىراۋ قالالىق سانيتارلىق- ەپيدەميولوگيالىق باقىلاۋ جانە قالالىق ۆەتەرينارلىق ينسپەكتسيا باسقارمالارىنىڭ ماماندارى، سونداي- اق، «مەترو كەش ەند كەرري» ج ش س- ءنىڭ سەنىمدى وكىلى قاتىستى.
ەسكە سالا كەتەلىك، بۇدان بۇرىن اتىراۋدا زاڭسىز اينالىمنان 3972 بوتەلكە الكوگول مەن 2500 ليتر ديزەل الىنعانىن حابارلاعان ەدىك.
