جەمقورلىق تۋرالى حابارلاعان جەتى ادام 1,5 ميلليون تەڭگە سىياقى الدى
ولارعا 1161520 تەڭگە سىياقى بەرىلدى.
بۇل تۋرالى قازاقپارات سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنە سىلتەمە جاساپ حابارلايدى.
وبلىستا وسى جارتى جىلدىقتا 49 لاۋازىمدى تۇلعا تارتىپتىك جاۋاپكەرشىلىككە تارتىلدى، ولاردىڭ 7 ءسى جۇمىستان بوساتىلدى. جارتىسىنان كوبى سوگىس پەن ەسكەرتۋ الدى (35 ادام)، سونداي-اق 7 ادامعا قىزمەتىنە تولىق سايكەس ەمەستىگى تۋرالى ەسكەرتىلدى.
بۇل رەتتە جازالانعاندار اراسىندا - 16 باسشى قىزمەتىندەگى تۇلعالار بولدى. سونداي-اق، جەمقورلىق فاكتىلەرى تۋرالى حابارلاعانى ءۇشىن وڭىرلىك سىبايلاس جەمقورلىققا قارسى قىزمەت 1161520 تەڭگە سوماسىنا 7 تۇلعالار ىنتالاندىردى.
بۇل كورسەتكىش ءىس جۇزىندە وتكەن جىلدىڭ 12 ايى ناتيجەلەرىنە تەڭ جانە سىبايلاس جەمقورلىققا نولدىك توزىمدىلىكتى قالىپتاستىرۋعا ازاماتتاردىڭ ۇلكەن بەلسەندىلىگىنىڭ كورىنىسى بولىپ تابىلادى.
