جەرورتا تەڭىزىندە 1,5 مىڭنان استام ميگرانت ەۋروپاعا جەتە الماي سۋعا باتقان

بريۋسسەل. قازاقپارات - جىل باسىنان بەرى جەرورتا تەڭىزىندە سۋدا ەۋروپاعا بارماقشى بولعان 1,5 مىڭ ادام قازا تاپقان. مۇنداي دەرەكتەردى حالىقارالىق كوشى- قون ۇيىمى (ح ك ۇ) جۇما كۇنى جاريالادى، دەپ حابارلايدى قازاقپارات مەنشىكتى ءتىلشىسى.

«ح ك ۇ- نىڭ «ءىز- ءتۇزسىز جوعالعان ميگرانتتار» جوباسى 2018 -جىلى جەرورتا تەڭىزىن كەسىپ وتپەك بولعان  1504 ەر ادام، ايەلدەر مەن بالالاردىڭ مەرت بولعانىن قۇجاتتاندىردى. ولاردىڭ جارتىسىنان كوبى 1 - ماۋسىمنان بەرى قازا تاپقان»، - دەپ اتاپ ءوتتى ۇيىم.

ح ك ۇ- نىڭ دەرەگى بويىنشا، جىل باسىنان بەرى 25 - شىلدەگە دەيىنگى كەزەڭدە ەۋرووداق تەڭىز جولدارىنا 55 مىڭ ميگرانت پەن بوسقىن جەتكەن. بۇل وتكەن جىلعى كورسەتكىشتەن ەكى ەسە از. بىلتىر ەۋروپا اۋماعىنا 111 مىڭ ادام قونىستانعان.

 ميگرانتتاردىڭ باسىم بولىگىن يسپانيا قابىلداعان (20992 ادام). ەكىنشى ورىندا يتاليا (18130) تۇر. ودان كەيىن گرەكياعا  15528 ادام بارسا، مالتاعا 243 ميگرانت ءجۇزىپ جەتكەن.