وتىز مىڭ تەڭگە پارا الىپ، 1,5 ميلليون تەڭگە ايىپپۇل تولەيتىن بولدى

ورال. قازاقپارات - سىرىم اۋداندىق سوتىنىڭ ۇكىمىمەن اۋداندىق ىشكى ىستەر ءبولىمىنىڭ ينسپەكتورى ق ر ق ك 366-بابى 1-بولىگىنە سايكەس ايىپتى دەپ تانىلدى، دەپ حابارلايدى «قازاقپارات» ءتىلشىسى.

ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، پوليتسيا قىزمەتكەرى 30 مىڭ تەڭگە كولەمىندە پارا العان.

پروكۋرور مەن سوتتالۋشى اراسىندا كىنانى مويىنداۋ تۋرالى پروتسەستىك كەلىسىم جاسالۋىنا بايلانىستى قىلمىستىق ءىس كەلىسىمدىك ءىس جۇرگىزۋ ءوندىرىسى تارتىبىندە قارالدى.

سوت ۇكىمىمەن ايىپتى دەپ تانىلعان سوتتالۋشىعا پارانىڭ ەلۋ ەسەلەنگەن مولشەرىندە، ياعني 1,5 ميلليون تەڭگە ايىپپۇل سالىندى. سونىمەن بىرگە ول ءومىر بويىنا مەملەكەتتىك قىزمەتكە تۇرۋ قۇقىعىنان جانە پوليتسيا كاپيتانى شەنىنەن ايىرىلدى.

سوت ۇكىمى زاڭدى كۇشىنە ەنگەن جوق.

ەسكە سالا كەتەيىك، بۇدان بۇرىن ورالدا ءۇش بىردەي پوليتسيا قىزمەتكەرىنىڭ ءارقايسىسىنا 17,5 ميلليون تەڭگەدەن ايىپپۇل سالىنعانىن جازعان بولاتىنبىز.