14:46, 23 - قاڭتار 2018 | GMT +5
وقىس وقيعا: 1,5 مىڭ ادام كوشىرىلدى
استانا. قازاقپارات - ۇلى بريتانيا استاناسىنىڭ ءىرى سترەند داڭعىلىندا كوپ مولشەردە گاز شىعۋىنا بايلانىستى ءبىر جارىم مىڭداي ادام قاۋىپسىز جەرگە كوشىرىلدى، دەپ حابارلايدى قازاقپارات Euronews-كە سىلتەمە جاساپ.
وقىس وقيعا سالدارىنان جاقىن ماڭداعى لوندوننىڭ ورتالىق چارينگ-كروسس ۆوكزالى، Waterloo East تەمىرجول ستانساسى جابىلدى. اتالعان اۋماق قورشاۋعا الىنىپ، سترەند كوشەسىنە كىرەتىن جولداردىڭ بارلىعى جابىلعان.
لوندون ءورت ءسوندىرۋ قىزمەتىنىڭ حابارلاۋىنشا، چارينگ-كروسس ۆوكزالىنىڭ ماڭىنداعى كرەۆەن-ستريت كوشەسىندە دە گازدان ۋلانۋ قاۋپى جوعارى. قازىر ماماندار گازدىڭ شىعۋ سەبەپتەرىن ايقىنداۋ جۇمىستارىن جۇرگىزىپ جاتىر.
