ۇكىمەت وتىرىسىنا مينيسترلەردىڭ ءبىرى 1,5 ميلليون تەڭگەلىك التىن تەلەفونمەن كەلگەن - فوتو
NewTimes.kz اگەنتتىگىنىڭ تىلشىلەرى ولاردىڭ اراسىنان ءبىر جارىم ميلليون تەڭگەلىك التىن تەلەفوندى بايقاپ قالدى.
شەنەۋنىكتەردىڭ ءبىرى 4600 ەۋرو تۇراتىن Vertu تەلەفونىن ۇكىمەت زالىنا ءوتۋ ءۇشىن كىرەبەرىستەگى ارنايى قوراپقا قويىپ كەتكەن. ونى فوتوعا ءتۇسىرىپ الماق بولعان ءتىلشىنىڭ ارەكەتى تەككە كەتتى. سەبەبى، جۋرناليستىڭ كوزىنە تۇسكەن قىمبات تەلەفوندى قاۋىپسىزدىك قىزمەتكەرلەرى جاسىرىپ الەك بولعان.
«بۇل مينيسترلەردىڭ تەلەفوندارى! ولاردى قالايشا فوتوعا تۇسىرەسىز؟ بولمايدى» - دەپ ءتىلشىنى توقتاتتى قىزمەتكەرلەردىڭ ءبىرى.
الايدا بەس مينۋتتان كەيىن قىزمەتكەرلەر اياق استى جۇمسارىپ سالا بەرگەن. ولار اقىرى الگى قوراپتارداعى تەلەفونداردى فوتوعا تۇسىرۋگە رۇقسات بەردى. ال سول ارادا قوراپتاردىڭ بىرىندە تۇرعان Vertu ءىزىم-عايىم جوق بولعان. تەك Iphone, Samsung, Nokia ۇيالى تەلەفوندارى عانا ءوز قوجايىندارىن كۇتىپ تۇردى.
ەسكە سالساق، 24- ناۋرىزدان باستاپ مەملەكەتتىك ورگان قىزمەتكەرلەرىنە سمارتفون مەن پلانشەتتەردى جۇمىس ۋاقىتىندا پايدالانۋعا تىيىم سالىنعان.
Vertu - التىننان، Liquidmetal قۇيىندىسىنان جانە پلايتينادان جاسالاتىن قىمبات ۇيالى تەلەفونداردىڭ ءبىرى.
