يراكتا 1,5 مىڭعا تارتا ادام «يسلام مەملەكەتى» جەراستى تۇرمەسىنەن بوساتىلدى
بۇل تۋرالى Agence France Presse AFP حابارلادى.
ونىڭ مالىمەتتەرىنە قاراعاندا، قالا ورامدارىن لاڭكەستەردەن بوساتۋ ۇرىستارىنىڭ بارىسىندا يراك اسكەري قىزمەتشىلەرى ي م باقىلاپ وتىرعان ۇلكەن جەراستى تۇرمەسىن تاپقان. وندا 1,5 مىڭعا جۋىق ادام بولعان، نەگىزىنەن - بەيبىت ازاماتتار. ولاردىڭ ءبارى دە بوستاندىققا شىعارىلدى، دەپ جازادى ت ا س س.
قازىرگى كەزدە حيت يراك ارمياسىنىڭ باستى ماقساتى بولىپ وتىر، بۇل ەلدى مەكەن انبار پروۆينتسياسىنىڭ ورتالىعى - رامادي قالاسىنان 70 شاقىرىم قاشىقتىقتا ورنالاسقان، ونى ۇكىمەت اسكەرلەرى لاڭكەستەردەن جىل باسىندا تارتىپ العان بولاتىن. راماديدەن شەگىنگەن ەكسترەميستىك قۇرىلىمدار قالدىقتارى حيت قالاسىنىڭ تۇبىنە بەكىنگەن.
وتكەن جىلدىڭ جازى ورتاسىندا يراك ۇكىمەتى انبار پروۆينتسياسىن ي م قۇرىلىمدارىنان ازات ەتۋ ناۋقانى باستالعانىن مالىمدەگەن بولاتىن. ۇكىمەتتىك اسكەرلەردىڭ باستى سوققىسى پروۆينتسيانىڭ ەكى ءىرى قالاسى - ونىڭ ورتالىعى رامادي مەن ەل- فاللۋدجاعا باعىتتالعان. ءراماديدى ازات ەتۋ يراك ۇكىمەتتىك كۇشتەرىنىڭ كوپتەن بەرگى العاشقى جەڭىسى بولدى.
