10:10, 13 - اقپان 2016 | GMT +5
د د س ۇ: زيكا ۆيرۋسىنا قارسى ۆاكسينالاردى سىناقتان وتكىزۋ 1.5 جىلدان كەيىن عانا باستالادى
استانا. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ حابارلاۋىنشا قازىرگى ۋاقىتتا زيكا ىندەتىنە قارسى بىرنەشە ۆاكسينا جاسالىپ جاتىر، الايدا ولاردى تولىق كولەمدە سىناقتان وتكىزۋ ءبىر جارىم جىلدان كەيىن عانا مۇمكىن، دەپ حابارلادى ت ا س س.
د د س ۇ باسشىسىنىڭ ورىنباسارى ماري- پول كيني «زيكا» ۆيرۋسىنا قارسى ۆاكتسينانى دايىنداۋعا 15 فارماتسيەۆتيكالىق كومپانيا اتسالىسىپ جاتقانىن ايتتى.
د د س ۇ- نىڭ وكىلى سونداي-اق الداعى ۋاقىتتا ۆيرۋستى انىقتايتىن دياگنوستيكالىق تەستتەردىڭ پايدا بولاتىنىن جەتكىزدى. ولاردى دايىنداۋ 10 بيوتەحنولوگيالىق كومپانياعا جۇكتەلگەن.
بەيسەنبى كۇنى برازيليانىڭ دەنساۋلىق ساقتاۋ ءمينيسترى مارسەلو كاسترو زيكا ۆيرۋسىنا قارسى ۆاكتسينانىڭ شامامەن ءبىر جىلدان كەيىن جاسالاتىنىن مالىمدەدى.
بۇگىنگى تاڭدا برازيليادا زيكا ۆيرۋسىنان ءۇشىنشى ادام كوز جۇمدى.
