09:01, 20 - قاڭتار 2016 | GMT +5
رەسەيلىك ازامات 1,5 ميلليون تەڭگەگە جول ءجۇرۋ ەرەجەسىن بۇزعان - ب ق و
ورال. قازاقپارات - ب ق و ىشكى ىستەر دەپارتامەنتى قىزمەتكەرلەرى جۇرگىزۋشىسى 59 رەت جول قوزعالىسى ەرەجەسىن بۇزعان «لادا پريورا» اۆتوكولىگىن انىقتاپ، ايىپ تۇراعىنا قويدى.
دەپارتامەنتتىڭ باسپا ءسوز قىزمەتىنەن تۇسكەن مالىمەتكە قاراعاندا، اتالعان كولىك جۇرگىزۋشىسى 2015 -جىلدىڭ ناۋرىزىنان جەلتوقسان ايىنا دەيىن جىلدامدىعىن سونشاما رەت شەكتەن تىس ارتتىرىپ، «Red Speed» ستاتسيونارلىق جىلدامدىق ولشەۋ جۇيەسىنىڭ «كوزىنە» تۇسكەن. ايىپپۇلدىڭ جالپى كولەمى 1 ميلليون 485 مىڭ تەڭگەگە جەتكەن.
كولىك جۇرگىزۋشىسى قازاقستاندا تۇرۋعا قۇقىعى بار رەسەي فەدەراتسياسىنىڭ ازاماتى بولىپ شىقتى.
اۆتور: ەلجان ەرالى
