ەندى قازاقستاندا 1- سىنىپ وقۋشىلارى 5 كۇن وقيدى - ا. ءسارىنجىپوۆ

بۇل جونىندە بۇگىن «جاڭا ءبىلىم بەرۋ باعدارلامالارى، يننوۆاتسيالار جانە قۇزىرەتتىلىك ءتاسىل - مەكتەپ تابىسىنىڭ كىلتى» تاقىرىپتا ءوتىپ جاتقان ءبىلىم بەرۋ قىزمەتكەرلەرىنىڭ رەسپۋبليكالىق تامىز پەداگوگيكالىق كەڭەسىندە ق ر ءبىلىم جانە عىلىم ءمينيسترى اسلان ءسارىنجىپوۆ حابارلادى.
«بيىل ىلكى جوبا رەتىندە ءبىرقاتار مەكتەپتەردە ءبىرىنشى سىنىپ وقۋشىلارى ءۇشىن بەس كۇندىك وقۋ باعدارلاماسى ەنگىزىلەدى. ءتيىستى ۇسىنىستاردى مەكتەپتەرگە جىبەردىك. سونىمەن قاتار، رەسپۋبليكامىزدىڭ ەكى قالاسىندا مەكتەپتەردەگى جان باسىنا قارجىلاندىرۋ ءتاسىلى جالعاسادى»، - دەپ ءمالىم ەتتى مينيستر.
ونىڭ ايتۋىنشا، قاراعاندى مەن تۇركىستان قالالارىنىڭ 63 مەكتەبىندە 10-11 سىنىپتاردا جان باسىنا قارجىلاندىرۋ ءتاسىلى سىناقتان ءوتىپ جاتىر. «بۇل تاجىريبە وقۋشىلارىنىڭ سانى كوپ مەكتەپتەرگە تيىسىنشە كوپ قارجى بولۋگە مۇمكىندىك بەرەدى»، - دەپ ءتۇسىندىردى ا. ءسارىنجىپوۆ.
اۆتور: كەنجەكەي توقتامۇرات قىزى