20:29, 17 - تامىز 2015 | GMT +5
قىتايداعى جارىلىس: ساقتاندىرۋ تولەمدەرى 1,5 ميلليارد دوللارعا جەتۋى ىقتيمال
استانا. قازاقپارات - قىتايلىق تيانجين قالاسىنىڭ پورتىندا ورىن العان بىرنەشە جارىلىستىڭ ساقتاندىرۋ شىعىندارى ءبىر جارىم ميلليارد دوللارعا جەتۋى مۇمكىن.
قىتايلىق ب ا ق حابارلامالارىنىڭ نەگىزىندە جاسالعان شۆەيتساريالىق Credit Suisse بانك تالداۋشىلارىنىڭ باعالاۋىنشا، ناقتى سومانى ايتۋعا ءالى ەرتەرەك. تەك بىرنەشە ءىرى ساقتاندىرۋ كومپانيالارى شىعىننىڭ ورنىن تولتىراتىنى انىق، دەپ حابارلادى دۇيسەنبى، 17 -تامىزدا Reuters اگەنتتىگى.
قۇتقارۋ جۇمىستارىنا ءۇش مىڭعا جۋىق ادام جۇمىلدىرىلدى. ساراپشىلار جاقىن ماڭداعى وزەندەردە سيانيد نورمادان 24 ەسە ارتقانىن ايتۋدا. قىتايلىق ب ا ق دەرەكتەرىنە سۇيەنسەك، قويما ءۇي- جايىن جالعا الۋشى كومپانيا پورتتا قاعيدادا رۇقسات ەتىلگەنگە قاراعاندا، 30 ەسە كوپ ناتري ءتسيانيدىن ساقتاعان.
اپات سەبەبى ازىرگە انىقتالعان جوق.
