ءسىبىر ورماندارىنداعى ءورت 1,5 ەسەگە ۇلعايدى

استانا. قازاقپارات-  رەسەيدىڭ ءسىبىر ولكەسىن جايلاعان قالىڭ ءورت بوي بەرەتىن ەمەس. قازىرگى ۋاقىتتا ورمان ءورتىنىڭ 1,5 ەسەگە ۇلعايىپ، 14 مىڭ گەكتار اۋماقتى شارپىعانى ءمالىم بولدى.

بۇل تۋرالى جەرگىلىكتى ورمان شارۋاشىلىعى دەپارتامەنتىنىڭ باسپا ءسوز قىزمەتى حابارلادى. ءتىلسىز جاۋدىڭ كۇش الۋى زايباكالە، كراسنويارسك ولكەسىمەن قاتار بۋرياتيا جانە تۋۆا رەسپۋبليكالارىنىڭ اۋماعىندا دا بايقالىپ وتىر.

دەپارتامەنت باسشىلىعى ءورتتىڭ جايىلۋ سەبەبىن تۇرعىنداردىڭ ساقتىق شارالارىنا سالعىرت قاراۋىمەن دە بايلانىستىرادى.   كەشەگى كۇننىڭ وزىندە ءورت سوندىرۋشىلەر 21 مىڭ گەكتار اۋماقتا كۇرەس جۇرگىزگەن بولاتىن.   

 رەسەيدىڭ تەرگەۋ كوميتەتى (ر ت ك) سىبىردەگى ورمان ورتىندە قۇربان بولعاندار سانى 23 ادامعا جەتكەنىن مالىمدەدى. ر ت ك- نىڭ ارنايى وكىلى ۆلاديمير ماركيننىڭ ايتۋىنشا، وقيعا ورنىندا كۋاگەرلەرىمەن جۇزدەسىپ جاتقان تەرگەۋ توبى 23 ادامنىڭ قايتىس بولۋ سەبەبىن انىقتاۋدا. قازىردىڭ وزىندە زابايكالە اۋماعىندا 200 گە جۋىق تۇرعىن ۇيلەر مەن ساياجايلار جانىپ كەتكەن. رەسەي ت ج م باسشىسى ۆ. پۋچكوۆتىڭ سوزىنە قاراعاندا، جالىن شارپىعان ايماققا قوسىمشا قۇتقارۋ قىزمەتىن اتتاندىرۋ قاجەت.   ال حاكاسيادا 4 مىڭ باس قوي مەن ءىرى قارانىڭ ءورت قۇرساۋىندا قىرىلعانى بەلگىلى بولىپ وتىر.  

www.khabar.kz