شىمكەنتتە قۇنى 1,5 ميلليون دوللار تۇراتىن كۇن ەلەكتر ستانساسى ىسكە قوسىلدى
ستانسانىڭ قۋاتتىلىعى - 1 م ۆ ت، ول سۋ جيناقتاۋ توعانىندا ورناتىلدى. ەلەكتر ستانساسىنىڭ شىعاراتىن قۋاتىنىڭ 60 پايىزى توعاننىڭ قاجەتتىلىگىنە جۇمسالادى.
«قالعان 40 پايىزىن ءبىز اقىسىز تۇردە قالالىق جەلىلەرگە بەرەمىز. ستانسا ەكى گەكتار اۋماقتا ورنالاسقان، ونىڭ ورناتىلۋىن 4 ادام باسقارا الادى»، - دەيدى «سۋ رەسۋرستارى ماركەتينگى» ج ش س-ءنىڭ باس ديرەكتورى اناربەك ورمان.
كومپانيانىڭ قالالىق تازارتۋ قۇرىلعىلارىندا ورناتىلعان قۋاتتىلىعى 1 م ۆ ت تاعى ءبىر كۇن ەلەكتر ستانساسى بار. ەكىنشى ستانسا تازالاۋ قۇرىلعىلارىنا قاجەتتى ەلەكتر ەنەرگياسىنىڭ بارلىق كولەمىن وتەيدى.
جوبانىڭ ەكەۋى دە «جاسىل ەكونوميكا» باعدارلاماسىنىڭ اياسىندا ىسكە قوسىلدى. بۇل باعىتتا شىمكەنتتىك سۋ ارناسىنىڭ جۇمىس ىستەپ جۇرگەنىنە ون جىل بولدى. وسى كەزەڭدە ەلەكتر ەنەرگياسىن پايدالانۋدى ون ەسەگە قىسقارتۋ مۇمكىن بولدى، دەيدى ۇيىمدا.
«ەگەر 1998-جىلى سۋمەن جابدىقتاۋ جانە كارىز جۇيەسىن ۇستاۋعا جىلىنا 70 ميلليون ك ۆ ت جۇمساساق، سوڭعى ون جىلدا ينۆەستيتسيالىق باعدارلامالاردى ورىنداۋ، الدىڭعى قاتارلى تەحنولوگيالاردى سۋمەن جابدىقتاۋ جۇيەسىنە ەنگىزۋدىڭ ارقاسىندا جاقسى ناتيجەلەرگە قول جەتكىزە الدىق. قازىرگى كەزدە جىلىنا 5 ميلليون ك ۆ ت جۇمساۋدامىز»، - دەپ حابارلادى اناربەك ورمان.
