ا ق ش- تا 1,5 ميلليون دوللارعا قالا ساتىلادى
دەپ جازادى روس بالت.
قالانى ساتۋعا 1986 - جىلى ەگەسى اتانعان ەرلى- زايىپتىلار - دجۋدي مەن ريك برەنگل قويدى. وسى ۋاقىت ارالىعىندا دجۋدي قالا اكىمى، پوشتا ءبولىمىنىڭ باستىعى، پوليسيا باسشىسى بولىپ ۇلگەردى.
بۇل جەرمەن ءار جىلى تامىزدا Sturgis Motorcycle Rally جارىسىنا بارا جاتقان جۇزدەگەن بايكەرلەر وتەدى. ولاردىڭ كوپشىلىگى دۇكەننىڭ دالىزىنە دەمالۋعا توقتايدى، ول جەردە تاماقتانادى. 118 جىلدان بەرى ءۇزىلىسسىز جۇمىس ىستەيتىن دۇكەن قالانىڭ جوعالىپ كەتپەۋىنە سەبەپ بولۋدا.
2011 - جىلى دۇكەننىڭ Facebook-تا جەكە پاراقشاسى پايدا بولدى. وعان 600 گە جۋىق ادام جازىلعان، الاددين اتاۋىن 1894 - جىلى العان.
ونىڭ العاشقى يەگەرى دۇكەندى وسىلاي اتاپ، ەرتەگى كەيىپكەرى سياقتى بايىپ كەتۋگە ۇمىتتەنگەن. ول كەزدە قالا ارقىلى كومىر تاسىمالداۋعا ارنالعان ۆايومينگ پەن ميسسۋريدى بايلانىستىراتىن تەمىر جول بولعان. 1910 - جىلى تاسىمالداۋ توقتاپ، 1922 - جىلى تەمىر جول تارماعى جابىلدى.
