جابايى مايمىل 1,5 ايلىق نارەستەنى تالاپ ءولتىردى

الماتى. قازاقپارات - سيەۆاستوپولدىڭ ناحيم اۋدانىندا جەكە حايۋانات باعىنان قاشىپ كەتكەن جابايى مايمىل 1,5 ايلىق نارەستەنى تالاپ ءولتىردى. قاسىندا تۇرعان اتا-اناسى بالانى قۇتقارا المادى.
None
None

جەرگىلىكتى تەرگەۋ باسقارماسى اتالعان دەرەك بويىنشا قىلمىستىق ءىس قوزعادى.

وقيعا بىلاي بولعان. توردى تازالاۋ كەزىندە قاشىپ شىققان مايمىل كورشىلەردىڭ ۇيىنە كىرىپ، بەسىك اربادا جاتقان ءسابيدى تالاپ تاستاعان، دەپ حابارلايدى رەسەيلىك ب ا ق.

ەندى قارا مانگوبەيدى اسىراپ وتىرعان 65 جاستاعى قوجايىنى زاڭ الدىندا جاۋاپ بەرەتىن بولادى.

تەرگەۋ باسقارماسى جەكە حايۋاناتتار باعىنىڭ ادامدار قونىستانعان جەردە ورنالاسۋىنىڭ قانشالىقتى زاڭدى ەكەندىگىن انىقتاپ، قاۋىپسىزدىك شارالارىنىڭ ساقتالۋىن قاداعالاۋعا نازار قويماق.

اۆتور: گۇلميرا ءعوسمانالي

سوڭعى جاڭالىقتار