سوڭعى التى ايدا مال شارۋاشىلىعى ءونىمى 1,5 پايىزعا ارزانداپ كەتتى

استانا. قازاقپارات - 2014 - جىلعى ءبىرىنشى جارتىجىلدىقتا اۋىل شارۋاشىلىعى ونىمىنە باعا 4,2 پايىزعا ءوستى.
None
None

سونىمەن قاتار، اعىمداعى جىلعى ماۋسىمدا 2013 - جىلعى جەلتوقسانمەن سالىستىرعاندا، اۋىلشارۋاشىلىق قۇرىلىمدارىندا ساتىلعان وسىمدىك شارۋاشىلىعى ءونىمى 8,1 پايىزعا قىمباتتاعان، ال مال شارۋاشىلىعى ءونىمى 1,5 پايىزعا ارزاندادى.

بۇل تۋرالى ستاتيستيكا اگەنتتىگىنىڭ باسپا ءسوز قىزمەتىنەن حابارلاندى.

اتاپ ايتقاندا، اعىمداعى جىلعى قاڭتار- ماۋسىمدا باعا بيداي 10 پايىزعا، كۇرىش - 3,1 پايىز، ارپا - 2,3 پايىزعا، تارى - 0,1 پايىزعا ءوستى. كەرىسىنشە، قاراقۇمىق باعاسى 19,9 پايىزعا، قارا بيداي - 17,1 پايىزعا، جۇگەرى - 3,4 پايىزعا، سۇلى - 0,9 پايىزعا تومەندەگەن.

بۇدان بولەك، كارتوپ 17,3 پايىز، باس پياز - 15,2 پايىز، قىرىققابات - 14,4 پايىز، ءسابىز - 12,6 پايىز، قىزىلشا - 10,8 پايىزعا قىمباتتاعان. سونىمەن قاتار، باعا ءوسىمى بۇرشاق 14,1 پايىز، كۇنباعىس تۇقىمىنا - 1,1 پايىزدى قۇرادى.

سونداي-اق، ەسەپتى كەزەڭدە باعا قۇس ەتىنە 4,1 پايىز، شوشقا ەتىنە - 4 پايىز، قوي ەتىنە - 1,6 پايىز، جىلقى ەتىنە - 1,4 پايىز، ءىرى قارا مال ەتىنە - 0,3 پايىزعا وسكەن. كەرىسىنشە، جۇمىرتقا 25,7 پايىزعا ارزانداسا، شيكى ءسۇت 4,8 پايىزعا، ءجۇن 1,9 پايىزعا قىمباتتاعان.

اۆتور: قانات مامەتقازى ۇلى

سوڭعى جاڭالىقتار