بوكس: مەيۆەزەر مايداناعا 1,5 ميلليون دوللار تولەۋگە دايىن

الماتى. قازاقپارات - الەمنىڭ ەڭ ۇزدىك بوكسشىلارى رەيتينگىنىڭ كوشباسشىسى فلويد كىشى مەيۆەزەر ۇستىمىزدەگى جىلى 13 - قىركۇيەكتە ارگەنتينالىق ماركوس مايدانامەن ەكىنشى رەت جەكپە-جەككە شىعۋدى جوسپارلاپ وتىر.
None
None

مايدانانىڭ كەڭەسشىسى سەباستيان كونتۋرسيدىڭ ايتۋىنا قاراعاندا، ءالى كەلىسىم جاسالعان جوق، ءبىراق ول تۋرالى 5 كۇننەن كەيىن شەشىم قابىلدانادى.

الداعى بولاتىن سايىستا قولعاپقا قاتىستى تاعى دا قىزىق جاعداي تۋىندايىن دەپ وتىر. ويتكەنى، ەستەرىڭىزدە بولسا، ءبىرىنشى كەزدەسۋدىڭ الدىندا قولعاپتاردى تەكسەرۋ بارىسىندا مەيۆەزەر مايدانانىڭ Everlast كومپانياسى جاساعان نەگىزگى قولعاپتارىن «تالاپقا ساي ەمەس» دەپ جاراتپاي تاستاعان ەدى.

نيەۆادا شتاتىنىڭ كوميسسياسى (NSAC) بۇل تۇجىرىمدى ماقۇلدادى، ءبىراق Everlast-تىڭ MX مودەلدى زاپاستاعى جۇپ قولعابىنىڭ نورماعا ساي ەكەندىگى تۋرالى قاۋلى شىعاردى.

مەيۆەزەر بولسا: «مايدانا ءبارىبىر باسقا مودەلدەگى قولعاپپەن شىعۋى ءتيىس. ەگەر ول ءتىپتى كوميسسيا ماقۇلداعان زاپاستاعى قولعاپپەن شىققان كۇننىڭ وزىندە مەن وعان قارسى رينگكە شىقپايمىن» - دەپ ءمالىم ەتتى.

بۇل داۋ مايدانى Everlast-تىڭ MX ەمەس، Powerlock ۇلگىسىندەگى قولعابىن كيىپ شىعۋعا كەلىسىم بەرگەن سوڭ عانا شەشىلدى.

Аllboxing.ru سايتىنىڭ حابارلاۋىنشا، ESPN پورتالىنىڭ اقپارات كوزىنەن العان مالىمەتىنە سايكەس، الداعى ەكىنشى كەزدەسۋدە مايدانانىڭ كەپىلدەندىرىلگەن سىياقىسى  4,2 ميلليون دوللاردى قۇرايدى. بۇل جەردە ەڭ قىزىعى سول، مايدانا ەگەر ءوزىنىڭ ۇيرەنشىكتى Everlast MX مودەلى ەمەس، تاعى دا مەيۆەزەر ماقۇلداعان باسقا ۇلگىدەگى قولعاپپەن شىعاتىن بولسا، مەيۆەزەر وعان قوسىمشا 1,5 ميلليون ا ق ش دوللارىن تولەۋگە دايىن ەكەن. ءبىرىنشى كەزدەسۋدە مايدانانىڭ سىياقىسى ءدال 1,5 ميلليون ا ق ش دوللارى بولعانىن ەستەرىڭىزگە سالامىز.

اۆتور: جاپپاربەرگەن ايبوتا

سوڭعى جاڭالىقتار