ۆاتساپ الەۋمەتتىك جەلىسى ارقىلى كۇنىنە 1 ميلليارد ادام 55 ميلليارد حابارلاما جىبەرەدى
WhatsApp Inc.، كومپانياسىنىڭ بيزنەستى دامىتۋ جونىندەگى ۆيتسە- پرەزيدەنتى نيرادج ارورا دۇيسەنبى كۇنى دۋبايدا وتكەن بۇكىل الەمدىك 6- ۇكىمەت سامميتىندە وسىنداي مالىمدەمە جاسادى، دەپ حابارلايدى تاسس.
ارورانىڭ ايتۋىنشا، WhatsApp قولدانۋشىلارىنىڭ سانى ايىنا 1,3 ميلليارد ادامعا جەتكەن. سونىمەن قاتار، كۇن سايىن 1 ميللياردقا جۋىق ادام 55 ميلليارد شاماسىنداعى حابارلاما جىبەرەدى ەكەن. ۆيتسە-پرەزيدەنت ءوز سوزىندە ماتىندىك جانە داۋىستىق حابارلامالار كولدەنەڭ شيفرلەۋ ءادىسى (end-to-end) ارقىلى قورعالاتىنىن دا جەتكىزدى.
بۇكىل الەمدىك ۇكىمەت سامميتى ب ا ءا پرەمەر ءمينيسترى جانە دۋباي قالاسىنىڭ باسشىسى شەيح مۇحاممەد بەن راشيد ءال ماكتۋمنىڭ قامقورلىعىمەن وتكىزىلىپ كەلەدى. 2013 -جىلى العاش رەت ۇيىمداستىرىلعان ءىس-شارا ازعانا ۋاقىتتىڭ ىشىندە حالىقارالىق سيپاتقا يە بولعان.
