ءۇش كۇننىڭ ىشىندە كوشى-قون زاڭناماسىن بۇزعاندارعا 1 ميلليون 500 مىڭ تەڭگە ايىپپۇل سالىندى
ءىس-شاراعا كۇن سايىن بارلىعى 600 گە جۋىق قىزمەتكەر جۇمىلدىرىلىپ، جەدەل قىزمەت، اكىمشىلىك پوليتسياسى جانە كوشى-قون پوليتسياسى قىزمەتكەرلەرىنىڭ قاتارىنان 51 ۇتقىر توپ قۇرىلدى، دەپ حابارلايدى كولىكتەگى ءى ءى د باسپا ءسوز قىزمەتى.
شارا بارىسىندا قازاقستان رەسپۋبليكاسىنا كەلۋ ەرەجەسىن بۇزعاندارى ءۇشىن 215 شەتەلدىك ق ر ا ق ب ك 394-بابى بويىنشا اكىمشىلىك جاۋاپكەرشىلىككە تارتىلدى، ونىڭ ىشىندە 153 ى ت م د ازاماتتارى، 62 ى الىس شەتەل ازاماتتارى. سونداي-اق، سوتتىڭ شەشىمىمەن 1 شەتەلدىك قازاقستان رەسپۋبليكاسى اۋماعىنان تىسقارى شىعارىلدى.
ق ر ا ق ب ت ك 395-بابى، ياعني جەكە نەمەسە زاڭدى تۇلعالاردىڭ قازاقستان رەسپۋبليكاسىندا شەتەلدىكتەردىڭ بولۋ قاعيدالارىن بۇزۋى بويىنشا 6 قۇقىق بۇزۋشىلىق انىقتالىپ، جەكە باسىن كۋالاندىراتىن قۇجاتتارى جوق تاعى دا 6 شەتەلدىك قابىلداۋ-تاراتۋ ورىندارىنا جەتكىزىلدى.
ىزدەۋدە جۇرگەن 3 قىلمىسكەر ۇستالدى. سونىمەن قاتار، كوشى-قون زاڭناماسىن بۇزعان 3 قىلمىس بويىنشا ق ر ق ك 330-بابىنىڭ 1-تارماعىمەن (ق ر مەملەكەتتىك شەكاراسىن قاساقانا زاڭسىز وتكەنى ءۇشىن)، ق ر ق ك 330-1 بابىمەن (تىسقارى شىعارۋ تۋرالى سوت شەشىمىن ورىنداماعى ءۇشىن) جانە ق ر ق ك 330-2 بابىنا (زاڭسىز كوشى-قوندى ۇيىمداستىرعانى ءۇشىن) سايكەس تەكسەرۋ امالدارى جۇرگىزىلۋدە.
جالپى، ءىس-شارا وتكىزىلگەن 3 كۇن ىشىندە كوشى-قون زاڭناماسىن بۇزعاندارعا 1 ميلليون 500 مىڭ تەڭگە كولەمىندە ايىپپۇل سالىندى. قازىرگى ۋاقىتتا كولىك پوليتسەيلەرى كوشى-قون زاڭناماسىنىڭ ءتارتىبىن ساقتاۋدى قامتاماسىز ەتۋ ماقساتىندا قوسىمشا شارالار قابىلداۋدا.
