ەرالى توعجانوۆ: 1 ميلليوننان استام جۇمىسشىنىڭ جالاقىسى 5-تەن 50 پايىز ءوستى
بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ ءماجىلىستىڭ جالپى وتىرىسىندا ايتتى، دەپ حابارلايدى قازاقپارات ءتىلشىسى.
«جىل باسىنان بەرى ەڭبەك داۋلارى بار 140 پروبلەمالىق كاسىپورىن انىقتالىپ، 91-ىندە ماسەلە شەشىلدى. 49 كاسىپورىندا جۇمىس جۇرگىزىلۋدە. 800-دەن اسا زاڭ بۇزۋشىلىق جويىلىپ، 10 مىڭعا جۋىق قىزمەتكەردىڭ قۇقىعى قورعالدى. ەكىنشىدەن، 200 كاسىپورىندا 2,7 مىڭنان اسا جۇمىسكەر جالاقىسى بويىنشا بەرەشەكتى وتەۋ قامتاماسىز ەتىلدى. ۇشىنشىدەن، 1 ميلليوننان استام جۇمىسشىنىڭ جالاقىسى 5-تەن 50پايىزعا دەيىن كوتەرىلدى»، - دەدى ەرالى توعجانوۆ.
سونداي-اق، ول قىزمەت كورسەتۋشى كومپانيالار قىزمەتكەرلەرىنىڭ جالاقىسى نەگىزگى كومپانيا قىزمەتكەرلەرىنىڭ ورتاشا جالاقىسىنىڭ 70پايىزنا تەڭەستىرىلگەنىن ەسكە سالدى.
«بەسىنشىدەن، بۇگىندە دەپۋتاتتىق كورپۋسپەن بىرگە كاسىپوداق قوزعالىسىن جاڭعىرتۋ باعىتىندا اۋقىمدى جۇمىستار اتقارىلۋدا. سوڭعى كەزدەگى ەڭبەك جانجالدارى ەڭبەك قاتىناستارىن رەتتەۋدە جۇمىس بەرۋشىلەر وكىلدەرىنىڭ قاتىسۋى جەتكىلىكسىز ەكەنىن جانە ولاردىڭ ۇجىم ىسىنەن وقشاۋلانۋ پروبلەمالارى بار ەكەنىن كورسەتتى»، - دەدى ۇكىمەت باسشىسىنىڭ ورىنباسارى. سونداي-اق، ەرالى توعاجنوۆ ماجىلىسدەپۋتاتتارىنا ينفلياتسيانى تەجەۋ باعىتىنداعى شارالار تۋرالى مالىمەت بەردى. ونىڭ مالىمەتى بويىنشا، بيىل زەينەتاقى مەن جاردەماقىنى يندەكستەۋگە قوسىمشا 111 ميلليارد تەڭگە بولىنەدى.
