فيليپپيندەگى سۋ تاسقىنان 1,4 ميلليون ادام زارداپ شەكتى

استانا. قازاقپارات - تاۋەكەلدەردىڭ الدىن الۋ جانە تابيعي اپاتتاردى جويۋ جونىندەگى ۇلتتىق كەڭەستىڭ مالىمەتىنشە، فيليپپيندەگى سۋ تاسقىنى سالدارىنان 28 ادام قازا تاۋىپ، ۇشەۋى ءىز-ءتۇزسىز جوعالعان، دەپ حابارلايدى قازاقپارات.

ارنايى قۇرىلعان 489 ەۆاكۋاتسيالىق پۋنكتتە 211,9 مىڭ ازامات بار. 14,1 مىڭ ادام ۇيلەرىن الدىن الا تاستاپ كەتكەن جانە 11 ادام جاراقات الدى. سۋ تاسقىنىنان 1,39 ميلليون ادام زارداپ شەكتى. 14 وڭىردە سۋ تاسقىنى مەن كوشكىنگە بايلانىستى مىڭنان استام وقيعا تىركەلدى. 156 ينفراقۇرىلىمدىق نىسانعا كەلتىرىلگەن زالال 171,5 ميلليون پەسوعا (3,13 ميلليون دوللار)، اۋىل شارۋاشىلىعىنا 299,7 ميلليون پەسوعا (5,47 ميلليون دوللار) باعالانعان. سۋ تاسقىنى 231 جول مەن 55 كوپىردى زاقىمداپ، 26 تەڭىز پورتىنىڭ جۇمىسىن توقتاتتى.

58 قالادا ەلەكتر قۋاتى ۇزىلگەن، سونىڭ ىشىندە 34 قالادا ول قالپىنا كەلتىرىلدى، 9 مۋنيتسيپاليتەتتە سۋمەن جابدىقتاۋ، ۇشەۋىندە - كوممۋنيكاتسيا ماسەلەلەرى بار. 554 قالا مەن 134 مۋنيتسيپاليتەتتە وقۋ ورىندارىنداعى ساباق پەن كاسىپورىنداردا جۇمىس توقتاتىلدى. 33 ەلدى مەكەندە توتەنشە جاعداي ەنگىزىلدى.

فيليپپين ۇكىمەتى كومەككە 74,2 ميلليون پەسو (1,35 ميلليون دوللار) ءبولدى.